[忽然1周 999] 倪震嘆外賣 老婆忙搵錢 倪震,MW,

老婆忙住電影宣傳，一支公嘅倪震肚仔餓惟有食自己，落街買「潛艇」吔，仲同店員有講有笑，似乎係熟客仔嚟。

媽咪姐

倪震嘆外賣　老婆忙搵錢

周慧敏為咗套戲，四圍飛去宣傳，冇時間陪老公倪震，要賺錢冇計而倪震呢，可能唔想再發生「結構上出現了明顯的中年危機」，老婆忙緊，佢就一支公搵食。

呢日媽咪姐喺佢哋跑馬地屋企附近，見到倪生紮住手臂行過，原來係肚餓落街買飯。唔知係咪喺外國生活多年，倪生似乎對 American style情有獨鍾，行到去美式快餐店嘅佢，餐牌未睇，就指住落「柯打」揀配料放落「潛艇」。等緊嗰陣，仲同店員有講有笑，睇嚟都係熟客仔喎！不過呢，倪生話晒踏入五張嘢，食少啲 junk food健康啲好喎！

話晒倪震都係一位才子，又點可以俾人見到佢食 junk food，買外賣返屋企嘆是常識。倪生行得咁快，真係好肚餓咁噃！

冇人陪食飯，倪震就鍾意落街去買外賣。其實打個電話叫外賣咁方便，睇怕叔叔都係想運動吓。

鍾意就快D Share啦！

下一篇 》