【短片】【還得神落】知鋒菲復合 拉姑急去泰國還神
2014-09-28 00:26:00
記得霆鋒同栢芝自06年去菲律賓玩秘婚，當時冇通知過謝家，激怒狄波拉(拉姑)一度拒絕喝呢杯「新抱茶」，之後一直傳栢芝同拉姑「婆媳」不和，但有傳拉姑對阿菲特別好，態度咁唔同，唔通係同迷信有關？
今日有周刊爆，當年霆鋒同王菲拍拖好多人都唔睇好呢段姊弟戀，拉姑都好擔心，去過泰國搵高僧問吓，點知高僧話阿菲命格旺霆鋒，先令拉姑放心晒，仲好錫阿菲。
當年鋒菲拍拖唔方便出街，拉姑仲做埋「速遞」，送啲美食俾佢哋，據知拉姑試過親手揀大閘蟹俾阿菲食，相處得幾好，點知鋒菲分手，霆鋒被傳背住阿菲，同栢芝搞曖昧，令形象大跌，之後再發生埋頂包案，拉姑都有再搵高僧，高僧都有講過鋒菲緣份未盡，話鋒菲會第二次復合，但都係分手收場，之後大家都會有頭家。
拉姑都冇諗過事隔11年，鋒菲先第三次復合，聽講拉姑一知佢哋再走埋一齊，即刻去咗泰國還神。但之後會係點就唔知……
拉姑向來好錫霆鋒同婷婷
霆鋒都試過同拉姑去泰國拜神
當年喺菲律賓求婚
可惜已成過去式!
|
鍾意就快D Share啦！
|
|
|