[忽然1周 - 1005] 陳開心 悲情「星二代」 陳開心,陳勳奇女兒,陳杏妍,MW,

上年底，陳開心接拍爸爸陳勳奇執導嘅《緣來是遊戲》，同馬國明有唔少對手戲，有傳佢對馬明有好感。但俱往矣，馬明對佢嘅死，都話好可惜。

媽咪姐

陳開心　悲情「星二代」

前幾日，媽咪姐聽到陳勳奇個女陳開心（原名陳杏妍）跳樓自殺，臨走前仲將 fb嘅背景相，換咗「陳寶蓮」遺照，唉！真係好欷歔。陳開心只有 40歲，佢呢個選擇，令白頭人送黑頭人，唔少圈中人都擔心陳勳奇，希望佢可以撐住。

其他影片：>>馬明嘆可惜　陳勳奇女兒疑因情緒病發墮樓亡

其實陳開心由入行開始，對演藝事業可以話好有憧憬。媽咪姐聽唔少記者講，話約佢影相從來冇托手踭，唔只合作，仲好好態度。可惜掛住「星二代」個名，令佢嘅發展太局限。呢幾年轉戰內地，叫做多番啲工作。但係都敵唔過情緒病困擾，揀咗條不歸路。

喺陳開心（左）離開前兩個月，佢同爸爸陳勳奇（右）、內地藝人楊瑩（中）去咗深圳宣傳電影。估唔到依家已經天人永隔。

陳勳奇由內地趕返港，喺周一（ 27日）同家人去公眾殮房認屍，神情哀傷。

陳開心多年嚟對事業都好着緊，為咗星途順利啲，改咗幾次名之外，打拳 keep住靚 body。可惜佢揀嘅路，令人心痛。

鍾意就快D Share啦！

下一篇 》