[忽然1周 - 1005] 勇武軒仔完騷京都攤唞 軒仔,張敬軒,MW,

媽咪姐

勇武軒仔完騷京都攤唞

「佔鐘」話咁快已經成個月，一有時間就去佔領區撐學生嘅媽咪姐都要唞一唞，要走更遠嘅路嘛！上個禮拜，媽咪姐就約咗幾個 friend去睇同樣撐學生嘅張敬軒演唱會。

其他影片：>>張敬軒完騷京都攤唞
>>祖兒自爆喺軒仔屋企瞓　軒仔口快快爆祖兒有餡

其實軒仔都講到明只係撐學生，覺得下一代應該有權發聲。但總有啲膠人要搞事，喺微博抹黑佢係港獨分子，但係 the show must go on，軒仔梗冇俾呢啲事影響演出。講番個騷吖，媽咪姐個人意見，佢同嘉賓關淑怡嗰段火辣辣嘅演出，真係睇到人㷫烚烚，超正。睇嚟「哥哥」後繼有人嘞！

摸胸錫肚攬大髀，仲有乜嘢未做？好彩大家都知軒仔唔會搏關淑怡懵啫。

尾場有容祖兒上台合唱〈天窗〉兼咀嘴，佢仲自爆喺軒仔屋企過夜都唔驚，友誼萬歲。

身為「官二代」嘅軒仔俾人抹黑，令身在內地嘅家人困擾，所以佢喺完騷後，宣讀聲明，表明無支持港獨。但講明需要發聲時，都會發聲！

完騷後，軒仔即刻飛咗去京都叉叉電。

鍾意就快D Share啦！

下一篇 》