【短片】【狂掃名牌亂揈錢？】石洋子搵內地傳媒洗底 一味唱好
2014-10-30 23:20:00
吳啟華宣佈同細佢21年嘅內地奀星石洋子離婚，婚變原因傳聞多多，由代溝到男方/女方偷食，以至今日有周刊爆料指吳啟華背妻偷食中0靚模，以及石洋子揮金如土一個月六萬蚊人仔家用都唔夠使，又有指石洋子唔關心個女云云。
石洋子今日接受內地傳媒訪問，亦同吳啟華統一口徑，表示兩人已分開三四年；離婚原因非有第三者介入，而係年齡、觀念、文化差異所產生嘅分歧。
石洋子話，同吳啟華熱戀初期，並不覺得有年齡距離呢個問題，但一齊生活之後，問題就越堆越多。對於周刊報道指吳啟華不滿女方發明星夢，石洋子話:「他一直很支持我，認為女人不應該只是在家裏相夫教子，做家庭主婦，還是應該多接觸社會。」仲好無奈咁話，其實，佢一路都有拍戲，唔係離婚博復出，只係大家一直都冇為意啫……
講到話石洋子個微博從來都唔放老公同個女嘅相，令人懷疑係咪扮單身，反而貼咗幾張挨住伊能靜未婚夫秦昊嘅親密合照，對此石洋子就謂:「我從不在公眾平台晒自己的隱私，以後也不會。但不代表我不愛他們(家人)，我只是用另一種方式愛他們。外界怎麼去想，我是控制不了的。」
|
鍾意就快D Share啦！
|
|
|