在海中等 roll機，洪永城勾住水泡同時，再一手攬實陳凱琳，照顧周到。
探熱針
一支茶兩份歎 洪永城口水尾陳凱琳照落肚
大台花旦所剩無幾，被民選成為港姐冠軍的陳凱琳，順理成章被培訓做接班人。未卸任已經有劇拍，自認「處女」的 Grace好樣性格又鬼，令大台不少餓狼流晒口水，其中因為黃浩然急病，執二攤拍《張保仔》的洪永城，更加近水樓台，感情一日千里。
上週二（九月二十三日），二人到西貢拍跳海場面，落水等 roll機，洪永城呵護備至攬實 Grace，拍完上水，更加一支茶兩份飲，好唔簡單。
當眾換衫
選美入行至今只有一年多的時間，陳凱琳已經接拍第三部電視劇，新作《張保仔》更擔正做女一。大台拍劇出名日接夜， Grace同余詠珊愛將洪永城卻獲厚待，全日只拍跳海一場戲。
下午三時半通告，但過了半個小時有多，演員依然未到，在場呆等的工作人員發晒牢騷：「幾點呀？天黑係咪唔使拍呀？啲演員喺邊度？」
等到四時半，已換好戲服的陳凱琳終於施施然到場，有工作人員提醒她戲服不連戲，遲晒到的她唔敢再火上加油，眾目睽睽下換衫慳時間。
平日「是但」見稱的大台，當日罕有為受捧的 Grace準備替身拍跳海戲，但熟水性的 Grace堅持親自上陣。「喺岸邊，唔係好遠，想試吓！」
愛分享
校啱時間，黐了「二撇雞」扮張保仔的洪永城終於蒲頭，負責指導的工作人員捉住二人講解拍攝要求，洪永城還以「前輩」身份，教 Grace如何走位。
Grace被安排先落水，企在碼頭邊的洪永城拎住手提電話，主動為女方拍下跳水一刻。接着二人一齊落水，由於洪永城的古裝戲服較吸水易沉，工作人員特別準備好一個水泡給他，但當事人決定有水泡同享，完成拍攝後，更呵住對方游上岸。
上水後，二人第一時間行去睇 playback。工作人員向兩位「落湯雞」遞上毛巾，又給洪永城送上支裝綠茶，飲完一啖，洪永城諗都唔諗遞給 Grace，女方亦毫不猶豫照啜！可以飲對方口水尾，關係仲差得去邊！
處女勿近
被點名力捧的陳凱琳，大台怕緋聞影響「處女」招牌，嚴禁飛來蜢埋身，尤其係奀星，未見光都死。
|
鍾意就快D Share啦！
|
|
|