網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年10月2日 星期四

[壹週刊 1282] Ruby撲五千保釋周永恒 黎瑞恩助阿 Yu脫毒夫 Ruby,周永恒,黎瑞恩,劉伊靜,M1,




坐正陰笑

雖然周永恒仍被扣押,但上週六(二十七日) Ruby卻扮得靚靚去街,下巴比以前更尖的她聽到記者指她坐正,忍不住露出勝利陰笑。

娛頭

Ruby撲五千保釋周永恒 黎瑞恩助阿 Yu脫毒夫

自稱人渣的周永恒因家暴被判守行為 18個月後,再涉刑事恐嚇老婆趙頌茹(阿 Yu),目前被還柙伊利沙伯醫院羈留病房。周永恒候審,小三 Ruby自動坐正,更以正印身份,聯絡一直在背後支持周永恒的金國汽車老闆娘,要求借五千蚊,日後用作保釋金。

周永恒有小三幫手撲水,至於阿 Yu亦獲過來人(婚姻出問題)的黎瑞恩伸出援手,送新居傢電,撐阿 Yu過新生活,避開會出手虐打她的周永恒。

扮正印搵金主

上週二晚(九月二十三日),陪完小三 Ruby去沙巴風流快活後,周永恒踩上阿 Yu娘家大吵大鬧,拍鐵閘、吐口水、爆粗鬧外母,並傳恐嚇短訊給阿 Yu,結果被控刑事恐嚇罪。案件原定上週五(二十六日)過堂,但周永恒以身體不適為藉口,拒絕上庭,警方於是用鎖鏈將他由屯門醫院轉送伊利沙伯醫院羈留病房候審。

周永恒還柙期間,小三 Ruby自動升格,以正印身份代出面撲水。

「金國汽車老闆兩老婆係基督徒,之前一直有幫阿 Roy(周永恒),免租借地方俾佢做模特兒公司 office,又打本俾佢出月曆,佢兩公婆都識阿 Yu。阿 Yu同阿 Roy都未正式離婚, Ruby就扮晒正印,出面搵金國老闆娘戴太,向對方開口借五千蚊,話係用嚟保釋阿 Roy,戴太一口就拒絕;但 Ruby面皮厚,之後不停打電話俾人哋,叫戴太繼續支持阿 Roy間公司,另外又搵中間人聯絡戴生。 Ruby係阿 Roy間公司嘅 partner,佢咁進取都係驚冇咗個金主。」知情人說。

週日(二十八日),阿 Yu到代言的美容公司時,被問到周永恒因身體不適而缺席聆訊,她只說:「小心身體!」

周永恒目前還柙伊利沙伯醫院羈留病房。

阿 Yu和兩個女開始新生活,為了賺錢養女,她已接了不少工作。

同樣婚姻出問題的黎瑞恩,向阿 Yu伸出援手,給她挑選和送贈新居全部傢電,出錢出力。

上週六(二十七日),阿 Yu帶同女兒去太古城購物,瘦弱的她搬 BB車時有點吃力,友人出手相助。這架 BB車是跟她並不相識的陳倩揚所送,人間有情。

坐正心情靚

相較一起捱咗十二年的阿 Yu, Ruby無疑特別得寵。

「阿 Roy同阿 Yu咁耐,都冇去過旅行,連度蜜月都冇,但佢剛剛就同 Ruby去咗沙巴。至於年頭阿 Roy同阿 Yu去咗次日本,都係因為阿 Yu接咗個 hair show,阿 Roy跟埋過去。喺日本期間,阿 Roy衰格到打電話俾 Ruby話好掛住佢,仲要俾阿 Yu聽到。」

周永恒惹官非被還柙羈留,但絕對沒影響 Ruby心情。上週六(二十七日),下巴又再尖多啲的 Ruby,打扮戰鬥格外出,離開大窩口住所時,被問到是否坐正?她忍不住展露勝利笑容:「多謝關心!」

早前網上流傳被指是 Ruby在巴士的裸照,相中女子的下巴跟 Ruby一模一樣。

Ruby心情極靚,不知是打的去「開工」,還是佳人有約。

過來人感同身受

至於帶住兩個女積極展開新生活的阿 Yu,也得到不少圈中人關心。同樣被小三破壞婚姻的「過來人」黎瑞恩,便託朋友轉告阿 Yu,會送她全屋傢俬電器。

「阿 Yu一心係諗住搵個竇先,傢俬電器慢慢儲錢買,但黎瑞恩好有心,大至傢俬、電器,細至碗碟毛巾都買齊俾佢。仲有,陳倩揚都唔識阿 Yu,但佢由朋友口中知道阿 Yu唔會再返去天水圍舊居拎番啲嘢,所以送咗部好新淨嘅 BB車同好多小朋友衫、玩具俾佢兩個女。」

要獨力撫養兩個女兒,阿 Yu亦不敢放軟手腳,簽約高皓正和朋友合資的經理人公司旗下後,已拍了一個美容院廣告,還有接時裝騷和其他活動。為助阿 Yu解決財困,有指高皓正也只象徵式收取佣金。

上週六(二十七日),阿 Yu帶同兩女信希、愛希到太古城,為新居添置家品後,翌日再到代言的美容公司開工作會議。穿上白色橫間 T依然激瘦的她化了個淡妝,精神算不錯。被問到周永恒以身體不適拖延出庭,她只說:「小心身體!」

有關得到黎瑞恩和陳倩揚資助,阿 Yu透過 WhatsApp回應:「我要衷心向每一位主內弟兄姊妹、朋友及客戶說聲多謝,尤其是幾位我們還未正式見面和認識的朋友,那份無條件的愛,實在令我很感動。你們每一位的支持、禱告和關懷令我知道我並不孤單。」

剛發生家暴時,阿 Yu愁眉不展,幸得友人支持,現已回復自信。

上週六(二十七日),阿 Yu帶同女兒去買家品,為新居入貨。

阿 Yu帶兩個女行玩具店,抱起大女,讓她慢慢揀。

阿 Yu為美容院代言,騷長腿拍廣告,一點都不似兩女之母。

賴死住院

九月二十三日周永恒涉刑事恐嚇被捕後,聲稱身體不適,拒絕落口供,被送到屯門醫院時,警員在他腰間繫上一條鐵鏈。

上週六(二十七日),周永恒由不設羈留病房的屯門醫院轉送伊利沙伯醫院羈留病房,繼續由警方看管,據悉他堅稱自己常頭暈,不肯出院。

倪震想幫周永恒

慘爆阿 Yu有人幫,賤爆周永恒同樣獲圈中人伸出援手。

「當年背住周慧敏孔雀開屏,倪震都俾人狂插,所以佢好明白阿 Roy,好關心佢成日 WhatsApp鼓勵佢,又問佢每個月搵幾多錢,要介紹工作俾佢,但後來見阿 Roy愈揭愈多衰嘢,先冇再提。」知情者說。

事實上,被控一項刑事恐嚇罪的周永恒一直堅稱自己頭暈賴死唔肯出院,之後轉到羈留病房,企圖拖延時間上庭,逃避刑責,爛!

倪震很同情周永恒,認為他是被迫瘋的。

周永恒被爆打老婆後,仍跟小三 Ruby出雙入對,一手毀掉成頭家。

早前為扮慈父,周永恒帶大女出街做真人騷。

Ruby處心積慮搶周永恒,扮阿 Yu朋友,入侵她的家庭。

Kill高皓正

原本經常幫周永恒講好話的高皓正,因為對方不忿他撐阿 Yu脫其魔掌,竟肆意傳 WhatsApp恐嚇:「 Kill, next one is u, come get my body, come with Yu, call police?(殺你,下個是你,來幫我收屍,同阿 Yu一齊來,叫埋警察?)」

周永恒開口埋口都要殺人,除了打阿 Yu一案,被爆對太太大叫:「我要殺死你!」過去向阿 Yu或其他朋友亦常以 WhatsApp「 kill」人。



鍾意就快D Share啦!