[壹週刊 1283] 自認經理人 惠天賜前妻借薛家燕招搖 惠天賜,薛家燕,M1,

探熱針

自認經理人　惠天賜前妻借薛家燕招搖

經○九年一場大病，原本在美國的薛家燕長女石佑珊自此留港照顧阿媽，之後更幫手做埋經理人，管理在全國有二百多間分校的家燕媽媽藝術中心。母女檔多年，但惠天賜前妻陳貝蒂，最近卻向外宣稱有份為薛家燕接工作和打理其藝術中心事務，大話當真話講。

據知，陳貝蒂曾經幫過馬蹄露和冼灝英接洽工作，但最後均為錢反目。

孫女免費上堂

多年來由大女石佑珊擔任經理人，管理幕前及藝術中心工作的薛家燕，突然改由陳貝蒂做經理人，令熟悉她及合作慣的製作人大感懷疑。

「 Betty（陳貝蒂）講到自己好幫得家燕姐手，又話自己可以代傾 job，有乜嘢直接搵佢就得。其實 Betty只係幫過家燕姐做咗一個騷嘅統籌，嗰次佢都當正自己係節目總監，令到大家好麻煩，之後已經冇再搵佢合作；但家燕姐見佢個女離咗婚要做單親媽咪，於是俾 Betty個孫免費讀藝術中心，點知 Betty喺外面亂咁吹，仲同人講有份搞家燕媽媽藝術中心，搞到家燕姐好為難！」知情者說。

過去陳貝蒂也曾做過馬蹄露和冼灝英經理人，但最終都因為錢銀問題，不歡而散。本刊向薛家燕求證有關被陳貝蒂過橋一事。

陳貝蒂將跟家燕姐的合照放上微博，以示關係密切。

惠天賜生前與第一任妻子陳貝蒂關係惡劣，兩人育有兩名女兒。

唔係長工

壹：壹週刊　薛：薛家燕

壹： Betty（陳貝蒂）話自己幫你接 job，係你經理人喎？

薛：家燕媽媽藝術中心舊年喺廣州做大匯演，佢係有幫我手。（有人話佢當正自己係總監，搞到你好為難。）佢負責統籌，唔係總監，個節目嘅監製係我個女。可能啲人見佢幫我做嘢，所以透過佢聯絡我，但真正接 job嘅係我大女珊珊同細女耀珠，經理人就一直係珊珊。

壹：陳貝蒂自稱有份搞家燕媽媽藝術中心。

薛：舊年藝術中心開始拍微電影，當時我搵佢幫手聯絡導演、睇吓劇本同聯絡演員，係 by project計，佢唔係長期喺我度做嘢。

壹：你免費俾佢個孫讀藝術中心嘅課程？

薛：佢個孫女好鍾意唱歌跳舞， Betty有過問學費嘅嘢，我話唔緊要啦，等佢個孫女開開心心，歡迎佢嚟上堂。我同 Betty十幾歲就識，佢曾經同我細妹代表香港去日本參加世界博覽館表演，因為惠天賜嘅關係，佢亦識好多圈中人。舊年係佢知道我唔夠人，主動話嚟幫手，其他嘢我唔講嘞。

家燕媽媽藝術中心在大陸發展不錯，今年八月舉行十周年大匯演，莫文蔚媽咪、陳寶珠、王愛明、楊天經夫婦（右一及左一）現身支持。

家燕姐現正趕拍賀歲劇《倩女失魂》，她飾演搞笑版聶小倩，而蕭正楠則演寧采臣。

家燕姐在《 Sunday扮嘢王》的忘我演出，同王祖藍有得揮。

大女石佑珊一直擔任家燕姐和王梓軒的經理人，家燕姐對她讚不絕口，認為她又乖又幫到手。

馬蹄露與冼灝英曾簽陳貝蒂為經理人，陳貝蒂安排他們扮鬼扮馬拍 MV，希望多些人留意他們，可惜最後不歡而散。

大茶飯

家燕媽媽藝術中心近年在國內不斷擴展，於上海、長沙、湖南、廣東省等地有超過二百分校，更開拓幼兒興趣班市場，生意愈做愈大！

「之前主要由大女珊珊幫我搞中心嘅事務，而家細女都讀完書，入埋藝術中心做嘢。兩個女好乖又肯做，我覺得可以加多啲新嘢，所以拍埋微電影，令小朋友可以學以致用。」薛家燕說。在國內，這門生意絕對是一嚿肥肉，難怪有人打家燕姐主意，企圖插一腳。

鍾意就快D Share啦！

下一篇 》