全城熱爆的娛樂八封新聞 & 時事趣聞 & 生活 + 趣聞
葛民輝打扮十年如一，就算下半身裝備有咩變動，頭上頂 cap帽，點都戴到實。
早個禮拜，阿葛喺大浪灣拍廣告，同品牌合作多年，出動私伙七人車做道具又點話，唯一要求，係佢頭上頂帽，要同個人一齊出鏡，不可分割。
熱到冇朋友！阿葛一落車，點完支煙，即刻除褲，著住條孖煙囪等雙腿散散熱。
男人最痛，大家睇圖，不解釋。
當日太陽好猛，導演嗌休息，阿葛即刻跳落車除褲再除帽散熱，順便歎番支醒神煙。著住條橙紅孖煙囪，但顏色再 sharp，吸睛度都唔及阿葛個地中海，連頭皮肉都見到。 男人最怕頭上一片天，唔怪之得阿葛頂帽，戴足 365日
同品牌多年友好關係，阿葛唔介意出動自己架七人車做廣告道具，最緊要係有帽戴。
夠鐘換衫轉景，孖煙囪阿葛冇所謂，無遮無掩話除就除，之後仲同工作人員合照留念。
平時去街，甚至接受冰桶挑戰，阿葛都帽不離頭。
