熱爆娛樂: [壹週刊 1283] 新姐仔　余詠珊哎吔女　吳若希特權改嘴戲吳若希,M1,

2014年10月9日星期四

[壹週刊 1283] 新姐仔　余詠珊哎吔女　吳若希特權改嘴戲吳若希,M1,

探熱針

新姐仔　余詠珊哎吔女　吳若希特權改嘴戲

入行四年，現年只得 22歲的吳若希，即使在樂壇成績平平，但所屬唱片公司老細何哲圖有個在大台橫行的高層老婆余詠珊，令她可以做主持兼擔正拍劇。

在新劇《衝線》中，吳若希比大台親生女、去屆港姐亞軍蔡思貝更得寵，扭計話不要同羅仲謙拍熱吻戲，余詠珊即刻踩過戲劇科叫監製改劇本，將火辣「車輪」戲改為蜻蜓點水。

蔡思貝代嘴

有殼保護，余詠珊在大台得勢到連老公「星煥」，旗下藝人都有運行，一直受何哲圖力谷的吳若希首次拍劇，便在《衝線》擔正女主角，與蔡思貝、沈震軒及羅仲謙搞四角戀。吳若希自認最愛大隻男，又話同羅仲謙做情侶大飽眼福；但拍嘴戲，她就變得錫身。

「 Jinny（吳若希）知道同謙仔有場熱吻戲，走去問 Sandy（余詠珊）可唔可以改，話自己未拍過呢類戲，驚唔慣，仲有同謙仔又唔熟，會好尷尬…… Sandy即刻同佢搞掂！打俾監製傾，將場狂嘴戲改成輕吻。青春愛情劇激情戲唔少得，所以監製就將其他嘴戲擺晒落蔡思貝身上，好在對方又冇乜所謂！」知情人說。

本刊現場直擊吳若希和羅仲謙嘴，雖然係咁意啄一啄，但吳若希表現怕醜，羅仲謙為免對手尷尬，亦十分克制避忌，一拍完就彈開。

平日口花花的羅仲謙，當日拍完嘴戲後，對有後台嘅吳若希，態度即刻一百八十度轉變，保持距離。

蔡思貝和羅仲謙在台灣拍嘴戲，女方主動箍住嘴，勝在夠放。

余詠珊當權後，有指不單負責無綫綜藝節目，更入侵戲劇組，權力凌駕曾勵珍之上。

簽約余詠珊老公何哲圖的唱片公司後，吳若希曾被拍到跟老闆一齊行金鐘太古廣場買衫。（《蘋果日報》圖片）

何哲圖的唱片公司自從跟無綫音樂部合併後，旗下一班仔女在無綫曝光率不斷急升。

比親生得寵

有「老闆娘」余詠珊撐腰，吳若希在大台工作陸續有來，在新劇《衝線》擔正外，又在《勁歌金曲》和《姊妹淘》做主持，連賀歲劇《倩女失魂》都佔一份，得寵過親生女；反而傳與大隻舞男麥秋成拍拖的蔡思貝則把握良機，多啲嚟，密啲嘴；對住羅仲謙和沈震軒，亦放晒電，唔留力。

「蔡思貝拍嘴戲一啲都唔怕醜，未 roll機已經箍實羅仲謙，大家都笑佢好『入戲』。因為冇所謂，所以埋位兩、三 take就搞掂，平日又鍾意黐住班仔玩，同沈震軒都玩得好埋，之前去台灣拍外景，連《巨聲》『大孖』周志文都同佢 friend咗，兩個當街玩摸手仔，鬼妹仔性格，唔會有咁多顧忌！」劇組人員說。