全城熱爆的娛樂八封新聞 & 時事趣聞 & 生活 + 趣聞
同老婆周雪芳經常孖公仔嘅蔡一智，早排兩公婆又著住情侶 Tee，帶埋囡囡 China去大坑開餐。
老豆同女，感情特別好！當日 China食唔夠兩啖麵，就黐埋老豆身邊咬耳仔，蔡一智亦冇嫌煩，同囡囡你一句我一句冇停嘴。個女黐老豆，媽咪周雪芳冇呷醋，笑笑口望住兩父女打情罵俏。 八歲 China真係好識氹人，十月三日蔡一智周雪芳結婚周年紀念，佢就親手畫咗幅心意咭送俾父母，兩公婆冧爆，仲將囡囡傑作公開，晒命！
兩父女好傾到不得了，搞到媽咪周雪芳似搭枱路人甲。
食飽行去上車， China只顧拖實老豆，周雪芳要從後捉實囡囡隻手。
今個月初蔡生蔡太結婚周年紀念， China親手畫咗張全家福送俾父母。
