全城熱爆的娛樂八封新聞 & 時事趣聞 & 生活 + 趣聞
從來唔會戴黑超出街嘅 Deanie姐，因為兩邊面敏感紅到落頸，唯有用黑超遮一遮。
做明星靠個樣搵食，即使係實力派嘅 Deanie姐葉德嫻，塊面出事，點都要遮一遮。上個禮拜三（二十二日），《壹》仔見佢同朋友响中環 ifc飲下午 tea。無論有冇化妝，從來出街都唔會戴黑超，但當日 Deanie姐大大副黑超遮面，睇真啲，原來佢塊面敏感，兩邊面紅晒，仲蔓延落條頸！
皮膚出事可大可小兼手尾長，不過 66歲 Deanie姐唔戒口，叫件 cake，再嚟杯香滑熱奶茶，同朋友吹足個幾鐘，先至落停車場揸車走人。
Deanie姐有潔癖，飲奶茶前，先抹乾淨隻匙羮。
早兩個禮拜 Deanie姐現身金鐘撐學生，當日有明哥同何詩傍實， Deanie姐塊面未出事。（《蘋果日報》圖片）
