[FACE - 388] 搵後路 下月挑李心潔機 Liddy開鋪賣衫小彭順打本 彭順,李悅彤,Liddy,李心潔,心潔,MF,

邊行邊篤燒賣的 Liddy，全程戴住耳機冇除過，唔知係聽緊歌定同男友煲粥呢？

真面目

搵後路　下月挑李心潔機　 Liddy開鋪賣衫小彭順打本

今年 5月同有婦之夫彭順在圓方偷情斷正的 Liddy（李悅彤），一夜間變成破壞幸福家庭的小三，再發生父親李德仁在啟晴邨吞槍自殺，先後痛失男友及父親。

經過 5個多月平伏心情， Liddy終於決定復出工作，新戲《四非》同月挑李心潔港視新劇《選戰》機！事業再起步， Liddy更獲復合冇耐的男友、「小彭順」 Simon打本，開舖賣韓國 BB衫。有個不離不棄的男人照顧，總好過黐住爛滾又冇膊頭的賤男

慳家生活

雖然有個做投資的有米男友照住，但 Liddy仍然非常慳家，上週本刊發現她搭地鐵由將軍澳康城寓所出灣仔，全程未有亂買，中途亦只買 2串燒賣填肚，飲品都冇杯；去到電訊公司睇 iPhone 6 Plus都係得個睇字咋！

行過小食店， Liddy忍唔住買燒賣食，但淨係乾啃，涼茶都唔買樽。

家住將軍澳， Liddy都係選擇迫地鐵出入，非常慳家。

拜拜賤男

彭順瞞住李心潔偷食 Liddy，新聞 5月曝光後，賤男極速撇甩 Liddy重投老婆懷抱， Liddy慘成小三又經歷父親李德仁自殺。好在前男友、有「小彭順」之稱的 Simon心靈上及經濟上照顧， Liddy先可以重新做人。早前接受訪問時更直認信錯人，明指彭順靠唔住！

5月

同彭順暗交 1年，最後得個桔之餘更背負小三罪名。《蘋果日報》圖片

《蘋果日報》圖片

10月

之前同 Simon拍拖 3年幾，後來彭順介之令二人分手，幸好 Simon對 Liddy不離不棄，近日終於復合。圖片

韓國入貨

Simon打本俾 Liddy開舖賣衫，原來 Liddy早有計劃，打算學定韓文，方便親自飛去入貨，「我同其他女仔一樣好鍾意韓國呢個地方，包括對 image、化妝同 artists都好喜歡，所以有興趣報韓文；但最大原因係想睇下有冇機會發展小生意，如果識韓文，自己去嗰邊搵貨會方便好多！」

行經便利店， Liddy見到 Coffee做馬主嘅雜誌封面後，即拎上手睇，不過最後都齋睇唔買。

Liddy專登出灣仔報韓文課程，打算做老闆賣衫嘅佢希望飛去當地入貨，親力親為。

追擊心潔

Liddy早前同周柏豪拍落的電影《四非》將於下月上映，咁啱李心潔為 HKTV拍的電視劇《選戰》，極有可能成為港視開台劇，在 11月 19日正式首播！撞到咁正，唔知彭順會陪老婆煲劇，定係去圓方戲院捧 Liddy場呢？

彭順冇開戲俾 Liddy，反而同周柏豪拍的《四非》，有望下月見街。網上圖片

李心潔首次拍劇，即備受觀眾熱捧，公投票數領先，極有機會成為 HKTV開台劇。 YouTube畫面

鍾意就快D Share啦！

下一篇 》