全城熱爆的娛樂八封新聞 & 時事趣聞 & 生活 + 趣聞
明星出入，例牌有司機保母車接載，但上個禮拜三（十月二十二日），《壹》仔居然喺中環，撞到啱啱 shopping完嘅 Kelly，同女助手企街等的士。
雖然只係普通行街購物樂，但 Kelly落足心機打扮，一身秋裝加對白色高踭 boot，襯到絕，但企街食塵冇的士， Kelly愈等愈心急，女助手見狀，索性行出大街截車。 十分鐘後，終於有的士， Kelly唔理咁多，一手擸起原本放喺地下袋 Chloe戰利品，著住三吋踭起跑，同女助手一齊截停架的士。咁高踭都跑得郁，如果 Kelly、徐濠縈同鄭秀文一齊著高踭鞋跑步鬥快，唔知邊個會跑第一呢呵？
同助手等極都冇的士， Kelly塊面開始燶，要飲啖水降火！
有車， Kelly擸起袋衫起跑，三吋踭，完全對佢冇造成任何障礙。
