[FACE - 388] 司徒夾帶義助靚聲胡琳 胡琳,MF,

網上圖片

全知言

司徒夾帶義助靚聲胡琳

連容祖兒都話情願同大台「拍散拖」想唔續約，今時今日宣傳真係未必要靠電視出鏡，好似靚聲胡琳下月出新碟，就搵咗司徒夾帶出奇招幫胡琳拍咗條片，胡琳披頭散髮好 pure好 true咁喺被窩捐出嚟，宣傳佢隻新歌〈被窩〉，仲送埋 link畀網友免費下載添。

司徒夾帶咁幫拖，唔通做咗經理人？司徒夾帶話：「我係玩音響識咗胡琳經理人，再識埋胡琳；覺得佢唔係好 social，喺娛樂圈好難生存，但好欣賞佢喺呢行咁耐，仲保存一份天真，所以我想幫佢做啲 noise，喺電台都唔可以日播夜播啦，我哋畀埋個靚聲版你 download仲好」佢仲話計劃緊幫胡琳拍一系列短片，真係幫得手！

條片見胡琳素顏喺被窩入面捐出嚟，再用啲懶聲懶氣宣傳自己，結果班電車仔就勁話好正，司徒夾帶真的很明白宅男需要。網上圖片

除咗幫手拍片，司徒夾帶仲將主打歌〈被窩〉放上網免費下載，聽講啲下載 link好快爆咗！

網上圖片

鍾意就快D Share啦！

下一篇 》