【唔通有咗？】因暈眩而惹孕訊 Ella@S.H.E：月事正在唱進行曲！
2014-10-17 15:52:00
Ella因為頭暈暈，乜都做唔到，好彩經過一個下午休息，身體已康復。（微博圖片）
台灣女子組合S.H.E嘅Ella（陳嘉樺）下個月擔任台灣金馬獎頒獎典禮主持，呢排佢一邊拍戲，一邊為典禮做功課，噚晚Ella喺微博自爆首次感受暈眩之苦，咁啱有啲人懷孕初期，都會有類似頭暈癥狀出現，所以唔少粉絲都估佢有喜，今日凌晨同佢同病相憐嘅江蕙，都喺微博留言關心。
Ella噚晚喺微博話：「對不起，讓大家擔心了！經過一個下午的休息，已經恢復沒事了，暈眩在我人生當中第1次出現，終於知道爸媽們暈眩時什麼都做不了的痛苦！請別擔心我，我會注意身體的，我可是還有很多事要做的呢！謝謝大家喔！」
江蕙則以過來人身份關心Ella：「親愛的妹子……暈眩這檔事已經困擾我多年……真不知道這是什麼病……不要給自己太大壓力。」
由於Ella突然暈眩即惹來懷孕疑雲，Ella今午就喺網上澄清，仲搞笑自爆月事正在唱進行曲：「謝謝二姊關心，心裡好暖好暖喔！我沒事喔，而且沒有懷孕，月事在唱進行曲咧！」噢．．．明晒！
Ella否認懷孕一事，仲話月事正在唱進行曲呢﹗（微博圖片）
|
鍾意就快D Share啦！
|
|
|