陳彥行有份拍《大凶捕》，飾演「姐妹情殺案」嘅家姐角色。佢呢個裝扮又幾懷舊喎！
媽咪姐
陳彥行翻拍情殺案連邪 3次
有線 11月出街嘅靈異電視電影《大凶捕》，最近拍攝得如火如荼，其中一個單元劇就揾咗依家喺數碼電台開咪嘅陳彥行同 2013年落選港姐張敬仁（ Kendy），翻拍喺 84年荔枝角邨發生嘅「姐妹情殺案」。有傳案發後，單位不時鬧鬼，媽咪姐聽完都有啲毛管戙。
《大凶捕》拍攝嗰陣，亦發生唔少怪事。劇組原本安排用 4日拍 3個地方，點知臨到開工前一日，突然接連收到幾個電話話取消借場，包括米舖同公屋，就算申請咗拍攝都被趕走。見慣世面嘅行姐當然話唔怕但有份拍嘅 Kendy就話：「聽到真係有啲心寒！」梗喺兇案邪成咁，邊個夠膽借地方拍喎！
|
鍾意就快D Share啦！
|
|
|