網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年11月28日 星期五

[忽然1周 - 1009] 盡地一煲搏續約 衞蘭隊菜甩肥膏 衞蘭,MW,





11月 15日 掃青菜

為了以天然方法減磅,衞蘭不但狂做運動,仲每餐只食大量蔬菜,當日見她在超市亦手拿兩大包菜做晚餐。

娛樂喧

盡地一煲搏續約 衞蘭隊菜甩肥膏

衞蘭( Janice)近年身形持續向橫發展,體重一度創歷史新高 140磅,老闆黎明都睇唔過眼贈金句:「肥過部電單車!」真係鬧得好甘。

將於本周六( 29日)舉行一連兩場演唱會的衞蘭,個唱海報竟然是站在電單車旁拍攝,無非想證明自己清減了,但海報明顯是經過 P.S.!日前衞蘭依然脹爆現身銅鑼灣超市掃蔬菜,強勁的雙下巴加水桶腰,上磅必過 130磅,她在超市攞起支可樂最後又放棄,可見內心掙扎得很。有傳黎明想睇埋今次個唱反應,才考慮會否與年底約滿的衞蘭續約。想剃老闆眼眉「瘦俾佢睇」兼續約成功,衞蘭要再加多幾錢肉緊狂𡁻菜先得喇!








04年獲黎明賞識帶入行做歌手的衞蘭,月底將第三次踏足紅館,舉行《 Walking to the future 2014》演唱會。與唱片公司 A Music已合作第十個年頭,衞蘭下月將約滿。反叛又自我的她,曾一度被黎明打入冷宮,今次有幸再開個唱,據知是黎明給她的最後機會。

圓腰加雙下巴

當日離舉行個唱還有半個月,衞蘭的雙下巴依然清晰可見,粗壯大腿加圓腰,看來連中碼衫都未必穿得落。

望足 3秒

衞蘭今次為減肥完全戒口,超過半年唔掂汽水,就連零卡路里的汽水,都只係眼定定望完便放低。

談笑風生

戒口會令人情緒受壓,但衞蘭身邊出現了 King Size密友, shopping時二人大聲講大聲笑, so sweet。

深情一望

密友不止陪逛超市更幫眼揀衫,希望老闆黎明見到後,不要棒打呢對「好朋友」

深情二望

衞蘭密友打份中性,除了不時陪笑外,更好有風度地幫衞蘭拿戰利品,其間多次深情定眼望住衞蘭。

目標減 40磅

據知情者透露,黎明提出了一個交換條件,「 Janice鬼妹仔性格,跟官咁耐都唔知官姓乜!太過直腸直肚,有時頂咗老細嘴自己都唔知,加上飲食毫無節制肥成咁,唔係好啱香港 market囉!不過黎明好鍾意 Janice把聲,知道佢要傾續約,所以年初開咗一個條件俾佢,講明 11月嘅個唱必須減肥成功,仲話會親自幫 Janice揀衫,最少要瘦兩個碼先得,即係佢初入行 100磅左右」要體重 140磅的衞蘭在幾個月內勁減 40磅,條件有點苛刻,但若然到開騷一刻依舊是電單車身形,睇怕這會是她最後一個個唱。

收到最後通牒的衞蘭,不但開始練聲練氣, 4月還開始戒煙,因而增重十多磅,當時她曾被張玉珊睇中,搵她做代言助其減肥,但衞蘭竟一口拒絕,表示不想靠食藥瘦身。雖然衞蘭的起心肝要搣甩肥膏,戒口加狂做運動,但效果真的不起眼。

本刊記者於 11月 15日目擊肥腫難分的衞蘭現身銅鑼灣超市,素顏的她身穿黑色鬆身衞衣襯貼身牛仔褲,旁邊有位四眼同性密友。自 09年被踢爆與 TB女助手阿瑞有攣情後,今次有另一密友陪 shopping,二人逛超市非常開心有說有笑,完全無視旁人目光。

有金句王之稱的黎明,見愛將衞蘭不斷發脹,加上約滿在即,唔頭痕就有假。

個唱 9成內購

有黎明做後盾,單是內部認購加信用卡公司預留,近 9成的門票未出售已有人認頭,不過日前仲有貴飛未爆喎!

主攻蔬果夠健康

離個唱得半個月唔夠,衞蘭這日在超市揀選的都是蔬菜、蘋果加少量肉,似以青菜、烚肉做晚餐。衞蘭途經凍飲櫃時,眼發金光企定定似有所行動,見她隨手攞起一支膠樽可樂,但三秒後放回原位,明顯「睇咗當飲咗」。為了解衞蘭的減肥進度、續約及新「攣情」,記者於周二( 25日)致電衞蘭男助手,他說:「 Janice瘦咗好多, over十磅喇!仲一直 keep住做運動,冇食碳水化合物,只食菜同雞肉。續約問題唔方便透露,公司現時只會集中喺演唱會上。(衞蘭同 TB密友行街,係咪拍拖?)冇呀!應該係朋友嚟!」

衞蘭盡地一煲的自我減磅計劃效果並不理想,希望她能作最後衝刺,上台一刻令黎明大跌眼鏡

上位期老闆錫晒

《衞蘭 MY FIRST演唱會》在 07年演出成功,慶功宴上喜獲老闆之一林建岳抱抱讚叻女,還有黎明撐場。

08年,黎明推出新 EP《是我》記者會,同場更為衞蘭慶祝其專輯《 Serving You》衝破全亞洲 15萬銷量。

電單車進化史

呢期變形潮殺入娛樂圈,衞蘭入行十年身形有脹冇縮,最嚴重曾爆磅達 140磅,回想當日出道只有 100磅的索女,竟然變成電單車,都真係幾嚇人。

05年入行索爆 98磅

衞蘭當年入行唔單止又瘦又索,鬼妹仔性格加半鹹淡廣東話唱腔令人印象深刻。

10年瘦身個唱 105磅

為舉行《 FAIRY衞蘭演唱會 2010》,衞蘭加緊做運動瘦身,當年曾以一件頭水着示人。

11年變形期 120磅

這是衞蘭最少工作量的一年,所以積存了不少肥膏,現身《萬眾同心公益金》時,一雙肥美肉腿就是最好證明。

14年雙下巴電單車 140磅

愈食愈肥的衞蘭,年中已達一發不可收拾的局面,每次現身都一定包到冚,雙下巴、水桶腰加粗象腿,驟眼睇以為是欣宜。


鍾意就快D Share啦!