[忽然1周 - 1009] 狂減 35磅着婚紗 細細粒︰我點會嫁唔出 細細粒,MW,

成功減去 35磅嘅細細粒，除咗搣甩痄腮下巴外，條腰仲返番嚟。好在瘦咗都有 D cup胸。

娛樂喧

狂減 35磅着婚紗　細細粒︰我點會嫁唔出

在《老表，你好 hea！》中，陳嘉佳（細細粒）同林盛斌（ Bob）有一場重口味的激吻戲，雙肥因而成為熱爆熒幕情侶，在台慶夜大跳辣身舞，玩埋星爺的「巴黎鐵塔反轉再反轉」咀嘴，觀眾唔滯就奇。

未拍過拖的細細粒，最近更為好友獻出第一次：「我拍劇試過着婚紗，但影婚紗相都係第一次。」細細粒收友情價，以 5位數字拍婚紗宣傳照。為咗效果靚，她在兩個月內狂減 35磅，飛甩痄腮面及米芝蓮巨腩，由 244磅減至 209磅。瘦了的她自信爆棚︰「我點會嫁唔出！」

其他影片：>>狂減 35磅影婚紗　細細粒自信爆棚：點會嫁唔出
>>真人版 Vivienne　 20分鐘鯨吞上海菜

高峰期達 268磅的細細粒，話早排真係肥到自己都驚，她拍《老表》時減到 244磅，當然仲有大把下調空間，她說︰「嗰個 Vivienne（劇集角色）塊面呀，肥到呢……我阿媽見親我都話︰『阿女，你塊面生痄腮呀？』」

米芝蓮 44吋巨腩

今年年中，細細粒為關心妍新歌〈愈來愈正常〉拍 MV，當時痄腮面啖啖肉，在 MV中穿着貼身健身衫，巨腩現形。

痄腮面

今年初，細細粒拍住泰臣在大台嘅綜藝節目扮演吳君如嘅《金雞 sss》

影完婚紗相後，細細粒就轉場到串燒店醫肚！雖然一枱美食，不過她只吃了一隻蝦，一隻鮑魚同一隻扇貝。明嘅，增肥容易減肥難嘛！

擺含春樣生硬

細細粒為了飛甩痄腮面影婚紗相，兩個多月前開始戒口︰「食少啲囉，戒糖戒澱粉，不過一個禮拜會放縱一日，有時食麵有時食麵包，再配合運動，我跑 5分鐘就要停十分鐘。」

拍攝當日，記者買來炸魚蛋、手拍青瓜，正在化妝的細細粒，即時被誘惑，但都是食一兩嚿就停。着起婚紗時，細細粒竟然曲線再現，有番條腰！不過做慣傻大姐的她，首次影婚紗相，要她在鏡頭前擠出甜美笑容，她反而不慣，顯得生硬，更不時伸脷、扁嘴口擘擘：「我好硬咩？我好軟呀！都冇理想嘅情人喺度，咁你又叫我點樣含春去影相呢？」

雖然 Vivienne同郭寶（阿 Bob）是熒幕情侶，不過阿 Bob絕對唔係細細粒杯茶，「我鍾意有酒凹、雙眼皮，最好雙眼圓碌碌，個樣敦厚啲，我唔鍾意靚仔㗎！最好唔好太高，太高會望到佢啲鼻毛好肉酸，我 1米 72，高我少少 173、 174cm……矮過我唔得。（阿 Bob？）……唔好呢啲……得唔得呀！阿 Bob蠱蠱惑惑㗎，其實最緊要唔好介意我肥囉！」原來講來講去，重點都是最後嗰句。

細細粒愛自拍，無時無刻都拎住部電話影相。證明冇女人唔貪靚。

六星期前度身 48D巨胸

個多月前，細細粒到婚紗店度身，當時她上圍有 48D，條腰有 42吋，依家已成功減細一個碼。

細細粒相當怕熱，試婚紗加度身嗰二十分鐘，她已經出晒汗。不過為了減肥，她連最愛的凍飲也戒掉。

自 sell福相嫁得出

細細粒同阿 Bob因合作《老表》而成為熱爆熒幕情侶，劇中佢同阿 Bob有一場激烈的吻戲，呢一吻仲係細細粒嘅初吻。

着住婚紗的細細粒，未有一顆恨嫁的心，「我話俾你聽吖！我未鍾意過人，又未拍過拖，如果要事業定愛情，我絕對唔願意攞事業作愛情嘅賭注囉！我呢啲圓美福相，點會嫁唔出啫！」

拍攝完成後，勒戒兩個多月的細細粒放自己半天假，到串燒店擦餐勁。雖然一枱美食，不過細細粒多次叫記者「食啦、食」自己則只輕嚐淺酌，看來減肥決心極強，她說下個目標是 180磅。

肥出個未來

娛樂圈樣靚身材正嘅靚仔靚女多的是，爭上位真係爭崩頭，而一眾肥妹肥仔，亦利用一身肥膏搵食，殺出一條血路。而細細粒亦憑住搞笑演技，登台、拍劇兼接廣告。早前亦曾與周秀娜齊齊拍瘦身廣告。

肥姐

15歲入行當童星嘅沈殿霞，入行以來拍攝逾百套電影，亦與張德蘭、汪明荃同王愛明組成「四朵金花」。當時因身形肥胖而有「肥肥」之稱，更以「開心果」形象成為大台台柱司儀。

肥貓

鄭則士 21歲參加電影公司培訓班而入行， 85年自編自演《何必有我》，憑戲中「肥貓」一角獲得香港電影金像獎第五屆最佳男主角，之後更拍攝《肥貓流浪記》。

洪金寶

洪金寶 18歲已擔任龍虎武師，第一部任武師的電影《奪命雙劍》，曾獲台灣第一屆金龍獎最佳武術指導。由七十年代至今，他由動作巨星撈到導演，以至電影出品人。 11年憑《葉問 2》奪亞洲電影大獎最佳男配角。

鍾意就快D Share啦！

下一篇 》