網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年11月1日 星期六

阿澤秋生釋前嫌 旺角齊劈友 秋生,杜汶澤,阿澤,黃秋生,




阿澤秋生釋前嫌 旺角齊劈友



其他影片:>>






同秋生釋前嫌 阿澤開戲MK齊劈友

有人說雨傘革命令香港撕裂,事實並非如此,這事起碼令交惡了年半的杜汶澤和黃秋生關係修好,兩人不時立場一致。遭內地封殺的阿澤決意振興港產片,令演藝界不怕沒人仔賺就沒飯開,又吼準影帝秋生表示減片酬撐港片,力邀對方明年初合作開拍江湖片,齊做黑幫大佬,破冰聯手演齣好戲。

雨傘革命超過一個月,巿民和學生的公民抗命熱誠未退,其間大家吃過警方無情催淚彈和胡椒噴霧,甚至警察濫權行私刑,又被指縱容黑社會搞破壞等問題逐一浮現。戲如人生,09年導演邱禮濤執導電影《同門》內容,正有警方操控下包庇黑社會劇情,該片當年口碑不錯,據知近日邱禮濤有意明年初開拍同類黑社會題材電影,更想拉攏不和多時的杜汶澤和黃秋生破冰合作,不咬弦的兩人近日就佔中發表相同見解,英雄所見略同,干戈化解,下一步有望在銀幕擦出火花。



■杜汶澤(左)跟黃秋生因佔中事件而和好,更聯手拍黑幫題材電影不賺人仔,齊演黑幫大佬爭地盤。

設計圖片



■上月旺角被疑似黑社會介入清場,警察袖手旁觀一幕,令不少港人團結一致。資料圖片



■導演邱禮濤計劃召集電影《同門》班底,拍攝另一個黑幫故事。劇照

阿澤:放低私人恩怨

阿澤被指支持佔中遭內地列黑名單,他索性集中火力貢獻本地電影,邱禮濤半年前曾構思原班人馬開拍《同門》續集,最後因檔期問題擱置,近日邱禮濤與阿澤舊事重提,兩人打算合作另一部江湖片,阿澤除演出還兼任監製,為了令電影錦上添花,邱禮濤提出邀請影帝黃秋生演出,阿澤聽後不只沒介意,還和應贊成。昨記者致電阿澤求證,他說:「我哋之間只係私下意見唔同,但我個人覺得秋生演戲好,好啱做戲中資歷深嘅江湖大佬角色,所以我會放低私人恩怨,好想大家拍好部戲。」阿澤希望振興港產片,他說:「𠵱家好多負面報道對本地影壇有影響,其實演員除咗內地巿場,都可拍好港產片,江湖片係港產片主流,我哋應出力搞好本港電影,唔好衰畀人睇。」

「喺旺角試過俾人圍」

問到電影預算,阿澤說:「預一千萬,除咗秋生,我好希望拍過《同門》嘅余文樂、阿Paul(黃貫中)、陳子聰等都可以演番,𠵱家開始構思緊劇本。」可會到旺角取景?阿澤說:「上次喺旺角拍《同門》試過俾人圍,今次部戲任何地方場景都會考慮。」會加入佔中留守做題材嗎?阿澤說:「電影創作好睇就得,唔使刻意加咁多嘢,我哋又唔係諷刺時弊,唔係拍《18樓C座》,題材可以發揮。」

有機會在銀幕跟秋生冰釋前嫌,阿澤這次還兼任監製,是否會給秋生多方面配合?阿澤說:「梗係,身為監製,最緊要演員過足癮,監製主要係完成部戲,我會盡量順應大家要求。」是否吼中秋生近日公開減片酬拍港片言論?阿澤搞笑說:「我就係睇到佢咁講,先敢同邱禮濤提出邀請佢,佢身價好貴,我得香港巿場,我片酬平好多。」



■杜汶澤(左)吼中黃秋生減片酬撐港片,所以力邀他演出。資料圖片

秋生不怕江湖片敏感

阿澤誠意盡出大賣口乖,秋生昨在電話訪問中說:「我好紅咩?咁犀利。唔講政治,拍吓電影都OK。有人同我提過,未正式落實,你知拍部戲要傾好多嘢,開得成咪拍囉,不過佢(阿澤)未打嚟。」可擔心佔中問題未解決,拍江湖片會敏感?秋生說:「邊諗得咁多,船頭驚鬼船尾驚賊。娛樂片同政治無關,講古仔啫,有乜問題?咁多人自稱黑社會都冇事,或者仲好好呢!」

是否這部戲會兌現減片酬嗎?秋生說:「本土製作,投資唔大,傾咗先,我會合理價錢同條件。」阿澤和秋生早年已先後合演《黑白森林》、《老鼠愛上貓》、《頭文字D》和一系列《無間道》等多部電影,默契不容置疑。

採訪:比華利

【三個粉絲去首爾】

追星實錄,即上韓劇讀: http://hk.apple.appledaily.com/kstar



鍾意就快D Share啦!