Eason夫婦證婚 康仔順老婆意賭城拍婚照
蘇永康與女友馮翠珊（Anita）將於下周二（12月2日）結婚，並假香港洲際酒店舉行婚宴，康仔早前與Big4兄弟許志安、張衞健及梁漢文到拉斯維加斯登台，順道在當地拍婚紗照，康仔說因為Anita一向喜歡這個地方，幾個兄弟加上同行的鄧建明、歐陽德勛、蔡立及錢國偉幫忙客串，仿效電影《醉爆伴郎團》（Hang Over）拍了一輯搞笑結婚照。
■愛衫愛靚的康仔，下月2日婚宴當晚自爆只會穿一套禮服到尾攞意頭，老婆就會不停換衫。
■Anita喜歡拉斯維加斯，所以揀選當地拍婚照。
■康仔表示要多謝一班兄弟跟他通宵影結婚相。
■康仔租豪華轎車拍照，兄弟扮醉爆伴郎團。
一套禮服到尾
康仔笑言，很多朋友賭他婚宴當晚會換多少套衫，他率先開估：「我嗰日會一套衫直落，成世人貪靚，已經換衫換到夠，而且想寓意係我人生最後一套結婚禮服。」不過，康仔爆老婆當晚像開演唱會，會不停換衫，Anita的婚紗將是威廉王子大婚時，為劍橋公爵夫人凱蒂設計婚紗、Alexander McQueen創作總監Sarah Burton設計。
日前康仔已完成過大禮儀式，他感激安仔全日幫忙，就連燒豬都幫手抬，他說：「今次所有儀式都做足晒，希望老人家開心，12月2日嗰日一早會喺酒店接新娘，中午註冊之後，夜晚預計會開4、50圍」
■安仔（右）日前陪康仔過大禮時，幫手抬燒豬。
姊妹團屬妻眷
目前兄弟團名單除了有份到拉斯維加斯拍照的幾位，還有草蜢三子、吳國敬、劉浩龍、雷頌德、王傲山及陳惠源，姊妹團幾乎都是兄弟團的老婆及好友，陳奕迅及徐濠縈更身負重任，當日會做證婚人，康仔說：「我同老婆係喺佢哋婚禮上識，所以佢兩個係我哋真正媒人。」
撰文：小米
■康仔找來Sarah Burton幫老婆設計婚紗。
|
鍾意就快D Share啦！
|
|
|
