掃呢頁CODE去手機

2014年11月26日 星期三

[FACE - 392] 集集追 跟足美劇 《選戰》二月開 Season 2 MF,




《選戰》首兩集口碑已經咁好,港視即刻開拍第二季,仲話會原班人物添,即係唔會好似大台啲劇咁,要到尾段全部死晒。

真面目

集集追 跟足美劇 《選戰》二月開 Season 2

《選戰》以過 10萬票選成為 hktv開台劇。播咗兩集,果然冇令觀眾失望,成為唔少巴打嘅神劇。一星期播得一集,難得巴打唔覺吊癮 Keep住追,除咗劇情貼近現實,情節少甜亦成賣點。首集裸背嘅陳逸寧仲爆話:「除咗挑逗智叔,第四集仲會同王宗堯咀住攞料。」

《選戰》兩集出街掀起高潮,據知《選戰》鐵定用原班人馬於二月再開第二季,咁拍法,隨時拍到 2022㗎!

hktv開台兩星期,雖然暫時得兩套劇《選戰》和《警界線》,不過口碑就贏大台幾條街。其中以《選戰》最具話題,雖然一星期只播一集,難得睇慣 TBB劇大嘅巴打竟然冇怨言,仲追得有味。

《選戰》一共 15集。將會播到明年 2月。不過播出兩集反應出奇地好,據知第二季會講政府內部同立法會嘅鬥爭,而主角李心潔亦已應承開拍,港劇終於同歐美日韓劇接軌,有新玩法喇。

《選戰》收得有口碑,但據知上星期有份出席台灣金馬獎嘅女主角李心潔,因身在大馬,暫時未睇過,但其實大馬 Astro台都同步播緊喎。

《選戰》一星期播得一集,除李心潔外亦冇太大卡士,但口碑就過大台好多囉。

床戲裸女最激第四集

李心潔、智叔固然好戲,不過論眼球刺激,就一定係劇中飾演女記者嘅陳逸寧 Isabel。 32歲已為人母嘅佢,首集已有露底祼背情節出現,不過 Isabel話第 4集仲激呀!她說:「第 4集除咗要開始誘惑智叔,我仲要問宗堯攞新聞料。結果我要一路錫一路講,呢場好難拍。其實個戲好睇,又唔係露點,我接受到喎。」

挑逗

陳逸寧喺第 3集仲會為攞獨家新聞色誘廖啟智,呢幕制服誘惑,要等多一個禮拜先睇到。

除褲

首集陳逸寧有唔少騷身材演出,更有 pat pat特寫,她說:「第二季我一定會再操 fit啲,哈哈。」

露背

第一集片尾陳逸寧半祼同王宗堯談情,她說:「第一日開工就拍呢場喇,不過我黐晒嘢好安全。」

99年拍港台《 Y2K前的暑假》入行,同期出道有方力申、高皓正, 07年《破事兒》又飾演口交女,又有透點演出, 12年拍《春嬌與志明》一句「腿將開」令陳逸寧被叫「腿將開」小姐,今次又因性感演出引起話題。

陳逸寧話接劇本前已知道會有好多大膽場面,她說:「拍之前已問過晒所有屋企人,結婚前老公都知我係演員,佢好支持我!」

負評:《選戰》喪抄《紙牌屋》 主角抄足

《選戰》主角廖啟智嘅角色同美劇《 House Of Cards》入面嘅 Frank Underwood嘅人物性格幾乎一樣。又係想做最高話事人,又係被安排做廢柴嘅幕僚。

老婆偷情

Frank Underwood老婆偷情,《選戰》廖啟智老婆(龔慈恩飾)喺尾段亦會同石修偷情,而佢哋兩個又鍾意喺窗台陪老公食煙,同《 House Of Cards》撞到嘭嘭聲。

設定跟晒

王宗堯劇中有酗酒同叫雞習慣,同《 House Of Cards》入面 Russo嘅角色一模一樣。



鍾意就快D Share啦!