熱爆娛樂: [FACE - 392] 除了〈相逢何必曾相識〉　 90年代還有…… MF,

2014年11月26日星期三

[FACE - 392] 除了〈相逢何必曾相識〉　 90年代還有…… MF,

全知言

除了〈相逢何必曾相識〉　 90年代還有……

金曲定義係聽極唔厭，唔理咩年代都唔會 out，好似已經放低咪高峰，拍劇多年嘅蔣志光，喺《老表，你好 hea！》入面就將張學友嘅〈愛是永恒〉，同埋自家

代表作〈相逢何必曾相識〉唱翻 hit！久休韋綺姍仲因此

有機在上週大台台慶再唱金曲。 90年代合唱經典，你最記得又係邊首？

Wyman必揀〈相逢何必曾相識〉

我諗同最近套電視劇無關，就算冇部電視劇，你問我 90年代馬上會想起嘅一首經典合唱歌，我都會揀〈相逢何必曾相識〉。我諗喺歷史上合唱歌有好多，成功亦唔少，但喺做一首合唱歌出來嗰陣，已經係為咗卡拉 ok那種對唱嘅快感呢，其實呢首歌係一個先例，而且真係成功到可以喺頒獎禮上擊敗所有獨唱歌而得到大獎，相似案例都冇乜，而〈相逢何必曾相識〉應該是我想到唯一嘅一首！所以如果大家問起我會選那一首，都是蔣志光跟韋綺珊嘅〈相逢何必曾相識〉。

杜德偉要〈信自己〉

90年代對我來說，是我自己剛發展，好多元化的一段時間，剛進入 90年代就有一首代表歌曲，到𠵱家大家都經常要求我唱，就係我喺演唱會都有唱過嘅〈信自己〉。呢首歌剛好 91年時候出現，而我跟莎莉（葉蒨文）現在還有保持聯絡，最近都有合唱過一次，大家如果有看電視都會看到的。因為「如像我信自己，深深的相信你，」但是你都要相信我先得呀，知道冇？信自己呀！