[忽然1周 - 1010] 黃卓玲鳩嗚露阿婆底 黃卓玲,BKD_S,MW,

媽咪姐

黃卓玲鳩嗚露阿婆底

潮興鳩嗚，媽咪姐梗係要響應吓，但唔係去旺角，呢次去咗利園行街街！行吓，行吓，發現有個人好面善，但一時間叫唔出個名，因為佢真係走晒樣，仲完全唔理周邊人眼光，露晒底好鬼投入咁揀細路女衫。睇真啲，終於記得佢喇！撞鬼，呢位「嬸嬸」咪以前索爆嘅黃卓玲！

係，媽咪姐知佢嫁咗個有賭廳嘅老公，唔使做，個人會 hea啲。不過，都係嗰句吖， keep靚係女性嘅終生事業，今時今日，保持競爭力，係好重要㗎！

想知做咗媽咪嘅女星可以去得幾盡？黃卓玲即場做個真人示範，幫阿女搵衫完全唔顧儀態，「阿婆底」盡現，想點先！

雖然係走咗樣，不過睇見黃卓玲揀衫揀到扁晒嘴都幾搞笑喎！

黃卓玲喺《 PTU》做索 madam，估唔到 05年結婚生女後，勁跌 watt。

鍾意就快D Share啦！

下一篇 》