[忽然1周 - 1010] 長谷川京子走晒樣 長谷川京子,MW,

長谷川京子面部瘦到凹晒落去不特止，眼袋黑眼圈加蓬鬆頭髮，比阿嬸更阿嬸。睇睇吓竟然仲有啲似白姐姐㖭，啋！

出外埠

長谷川京子走晒樣

來自強國嘅白靈衣不驚人死不休，日本呢，一樣俾走晒樣嘅長谷川京子嚇餐死。

話說今年 36歲嘅長谷川京子當年憑清純靚樣而深受各大電視台同廣告商喜愛。日前佢擔任 NHK電視台「慈善音樂會」司儀，一個近鏡大特寫，媽媽咪呀，俾長谷川個樣嚇一跳。佢激瘦到兩頰凹陷加魚尾紋，成個阿巴桑（即係大嬸）。難怪節目出街後，有網友批評﹕「這個真的是長谷川京子嗎？」、「長谷川是不是有病啊？」媽咪姐望住長谷川京子張相，唉，當年嘅女神如今變成咁，真係陰功豬。

當年嘅長谷川京子樣靚身材正，引死唔少宅男。唉，當年嘅女神去咗邊？

話說長谷川京子（右）喺今個夏季劇集《彼得的葬禮》入面，個樣都仲未變得咁緊要，唔通真如網友所言：「佢有病？」

鍾意就快D Share啦！

下一篇 》