[忽然1周 - 1012] 〈囍帖街〉事變 Eric Kwok：我同阿 Kay無嘢喎。 Eric Kwok,謝安琪,Kay,MW,

媽咪姐

〈囍帖街〉事變　 Eric Kwok：我同阿 Kay無嘢喎。

謝安琪因為唱咗由 Eric Kwok作曲、編曲同監製嘅〈囍帖街〉而走紅，應該惺惺相惜，但娛樂圈就係是非多。

其他影片：>>〈囍帖街〉事變有新進展　 Eric Kwok同謝安琪講：唔好咁認真啦
>>被 Eric Kwok鬧唔飲水思源　謝安琪為織手繩甩底？

早幾日有報道指 Eric話阿 Kay唔出席佢今年 7月嘅演唱會，所以唔想再作歌俾女神唱咁話。而阿 Kay個經理人夏森美就立即插爆 Eric Kwok，話佢係個小家到核爆程度嘅男人喎。

媽咪姐問番 Eric，佢就賴講笑，「我同阿 Kay真係無嘢喎。都有同佢（謝安琪）講話唔好意思，因為嗰篇報道其實講緊笑嘅時候講，我都係講笑，真係一場誤會。玩啫，唔好咁認真。」亂噏嘢俾人鬧爆就扮賴皮。

不過你話冇嘢啫，阿 Kay嘅經理人夏森美唔係咁講。媽咪姐問番夏生，係咪 Eric打俾阿 Kay求和講唔好意思？夏生即刻話：「邊度有呀！佢自己咁講啫。唔想再講呢件事喇。」嗯，睇嚟條裂痕闊過紅海喎。

之前 Eric Kwok同 Kay都係環球旗下，後來夏森美（右）帶 Kay簽約華誼，強攻內地。

08年，由 Eric Kwok作曲、黃偉文填詞、謝安琪主唱嘅〈囍帖街〉，橫掃樂壇頒獎禮，好勁㗎！

Eric Kwok開作品騷，請唔到阿 Kay，最終由蘇永康唱〈囍帖街〉，佢話 Eason亦勁幫手。

鍾意就快D Share啦！

下一篇 》