全城熱爆的娛樂八封新聞 & 時事趣聞 & 生活 + 趣聞
兩星期前，洗米華嘅司機報警，話懷疑 Mandy Lieu喺屋企暈咗，跟住仲話失蹤。點知今次一出現，就去醫院睇個肚，又話作嘔。
有啲嘢真係夾都冇咁啱㗎！周二（ 16日）晚，正當洗米華（周焯華）帶住有咗 4個月嘅老婆陳慧玲出席慈善晚宴，佢嘅「私人坐墊」 Mandy Lieu、「失蹤」 10幾日後忽然蒲頭，夜晚 8點幾去咗養和，掩住個肚又話想嘔，搞到班護士好緊張。肚喎！容乜易又話有咗乜乜乜㗎。見完醫生之後， Mandy睇嚟仲係唔舒服，青筋現晒，睇嚟都係舟車勞頓惹嘅禍，冇咁啱又係有咗囉！
網民對周太有咗，多數留言「恭喜」！但都有人話 Mandy Lieu係小三，又話洗米華見老婆有咗就去搞搞震。
早前 Mandy Lieu速遞去澳門，做洗米華「人肉坐墊」，就咁袋咗價值一億嘅豪宅。有傳最新發展，洗米華喺 Mandy馬來西亞家鄉搞樓盤生意。嘩！睇嚟起好又多一個單位喇！
洗米華寧願陪有咗嘅老婆去 ball，都唔去陪病咗嘅 Mandy Lieu睇醫生，正印同「坐墊」嘅分別，明晒
