掃呢頁CODE去手機

2014年12月4日 星期四

[壹週刊 - 1291] 求婚片 片段流出 錢國偉做老襯靠 Big Four 錢國偉,M1,




探熱針

求婚片 片段流出 錢國偉做老襯靠 Big Four

「天使」領隊錢國偉( Wilson),為不少𡃁模製造財路,亦近水樓台,將「味之天使」中的「雜果賓治」陳宛蔚( Calinda)私有化。拍拖六年,今年六月, Wilson跟 Big Four到美國做騷,同時部署向同行女友送驚喜求婚。為幫肥 Wil促成好事,張衞健拍片兼做總指揮,要男主角跪地送花送三卡鑽戒,終於搞掂,錢國偉可以老襯娶老婆。

張衞健做指揮

求婚片段中,只見錢國偉攞住一束鮮花,一步一步走向女友陳宛蔚身邊, Big Four跟在場一班工作人員即起哄拍掌,之後擔任總指揮的張衞健喝令 Wilson:「跪低」唔知發生咩事的陳宛蔚則一味嗌「好驚」, Wilson隨即攞出婚戒說:「我等咗好耐唔知講乜,本來諗住放煙花時講,因為要做嘢,等放完先可以講。」

被男友跪地求婚,陳宛蔚不知所措,總指揮張衞健全程用手機「隊」住準 Wil嫂,笑住問:「佢(錢國偉)不過想問妳今晚埋單得唔得啫?(完騷後的飯局)」好兄弟幫手搞氣氛, Wilson亦唔怕醜,在眾人前剖白心聲:「我以後唔會因為工作令妳擔心同驚,妳可唔可以排除萬難嫁俾我?」機不可失,張衞健即示意揸住攝影機的工作人員,對準陳宛蔚「 take close up」。又驚又喜,陳宛蔚只有不停拍打男友。 Wilson亦搞笑說:「我都好驚,驚妳講唔嫁。」之後陳宛蔚點頭答好,在場的許志安大叫:「嘴啖先」。

求婚逐格睇

Wilson跪低送 3卡戒指

張衞健指揮跪低

蘇康開心賀阿嫂

陳宛蔚應承求婚後, Wilson即興奮攬安仔。

梁漢文教路

Big Four幫拖, Wilson求婚成功,隨即攞出三卡婚戒為女友戴上,過來人梁漢文教路:「男左女右呀,戴中指!」準錢太戴上戒指後,全場歡呼, Wilson亦興奮得逐個兄弟攬。許志安同準新郎一樣興奮:「我哋等咗好耐,唔敢講。」蘇永康再加多句:「我哋過嚟做騷都係為咗呢件事(求婚)。」

據了解, Wilson打算明年擺酒正式娶女友過門,由於圈中朋友多,預計四、五十圍酒席唔少得,加上一對新人有意到歐洲影婚紗相,籌備婚禮時間十分緊逼。

「 Wilson要幫周星馳拍《美人魚》,所有嘢搞掂已經出年嘅事,跟住仲有戲要開,要左攝右攝唧啲時間搞婚禮。」知情者說。

Wilson近日忙於拍電影《美人魚》,據知仍未開始籌備婚禮。

跟 Big Four好朋友,經常約埋睇 show。

出席香港電視記者會,陳宛蔚中指戴上的是 3卡求婚戒指。

陳宛蔚(前左三)有份拍 Wilson執導的電影《辣警霸王花》,飾演惡死教官。

因為同韓國馬舞大叔 PSY似樣, Wilson舊年就以 A貨 PSY周圍登台商演搵真銀。

大龍鳳

求婚唔一定只係兩個人嘅事,王祖藍為大台搶收視,在台慶夜再次求婚,雖然冇厘驚喜,不過李亞男一樣感動喊晒,只要有人受,一樣 work。

王祖藍 李亞男

自爆拍拖初期被外母藐爆,最終可以買大屋娶老婆的王祖藍,台慶夜當眾攞出 3卡鑽戒求婚成功,明年在迪士尼擺酒。

郭偉亮 葉佩雯

11年, Eric Kwok在紅館搞演唱會,其間突然攞住 88枝花和鑽戒,當眾跪地向女友葉佩雯求婚,二人在律師及逾萬觀眾見證下簽字註冊,老友謝霆鋒更穿上神父袍做證婚人,求婚結婚,一氣呵成。



鍾意就快D Share啦!