[壹週刊 - 1291] 楊千嬅唔吼洗米華 洗米華,楊千嬅,千嬅,M1,

上個禮拜，楊千嬅去咗澳門出席太陽娛樂活動，跟住就傳佢一億賣身俾洗米華。

同你吟一吟

楊千唔吼洗米華

離開 IPS自己開檔搞 PR公司嘅丁子高，本身已經人緣唔差，加埋有個老婆叫楊千嬅，彈藥乘二！

天后夫除咗接名牌 job生意，好多時候仲做埋嘉賓，雙重身份。老公有大把老細關照，好多人都勸千嬅約滿東亞娛樂後，搵丁子高做埋經理人，唔使俾人抽佣，自己賺晒。

肥水不流別人田道理係人都知，不過二五話千嬅仲同東亞嗰邊傾緊點合作，至於傳佢開一億投洗米華揸庄嘅太陽娛樂，二五就話嗰邊係有搵過千嬅，不過應該唔成事。

錢冇人嫌多，但千嬅自己都講過，如果要簽公司，做生不如做熟。都係㗎，有啲嘢，一刀切未必係好事。

同劉嘉玲一齊獲邀出席上海外灘 18號十周年晚宴嘅丁子高，成晚流流長，要走出場外扯番支煙急叉。

唔少人都估千嬅約滿東亞娛樂後會搵老公丁子高做經理人，但二五就話佢好有可能留低，條件唔係話幾多億，而係要開公司有自己 label。

鍾意就快D Share啦！

下一篇 》