2014年12月3日 星期三

[FACE - 393] 棄做律師 街頭歌王香蕉奶:畀力量大家撐落去! 香蕉奶,BKD_S,岑瑋倫,MF,




爆 Like王

棄做律師 街頭歌王香蕉奶:畀力量大家撐落去!

佔中嚟到 65日,週日晚學聯更將行動升級圍政總,港生好熱血,歌手香蕉奶更係瞓身撐。

體重 100磅唔夠嘅港大法律系畢業生香蕉奶(岑瑋倫),有律師呢份好工唔做,做街頭歌手,全因為親眼見證過法律有不公義。

香蕉奶嚟足 65日,卻發現運動愈來愈迷失,希望用自己歌聲去鼓勵大家,他說:「我唱歌唔能夠爭取到真普選,但我畀到一種力量令大家撐落去。」

香蕉奶喺街頭表演已經有兩年多,經驗豐富但唔參加《中國好聲音》式嘅比賽。他說:「好怕呢啲要幾分鐘 show off所有嘢嘅音樂模式,唔係唔好,唔啱自己啫。」

F:《 FACE》 香:香蕉奶

F:點解有律師唔做?

香:做律師同我想像好唔同,第一次去做實習生,處理一個男被告影裙底,條罪係公眾地方行為不檢。我哋係辯方,他一直話自己冇做,一直話個女仔屈佢,但去到最後他突然話自己有做,我跟嗰個律師同佢講表面證供都幾唔足夠,都好大機會告唔入,你會唔會當冇事發生呀?最後真係畀佢打甩。當時我好記得望住嗰個女仔,佢望住我哋成班律師,佢個眼神我好記得,好似我做錯咗啲事令到佢有寃冇路訴咁樣。

香蕉奶喺金鐘除咗留守及唱歌外,喺金鍾佔中位置有唔少佢嘅作品。他說:「希望自己歌聲同作品帶到啲微笑畀大家。」

F:做歌手仲黑暗?

香:係㗎!可能仲多㗎!我唔係想做一個要上《勁歌金曲》嘅歌手。我幾 enjoy喺街頭,我唔使要唱啲歌去討好觀眾。我鍾意呢種感覺,成世喺街都冇所謂,如果我成日都諗住出名,就好違背我當日唱歌嘅初衷。我唔想參加嗰啲《中國好聲音》、《超級巨聲》因為我覺得唱歌唔係咁,唔係成日係度嗌,飆高音就係唱得叻。

F:喺金鐘唱歌對佔中有咩作用?

香:每次表演完收到好多紙條或者 inbox,佢哋好多可能會愈來愈迷失,唔知點解要坐喺呢度。好似政府唔會畀到咩回應我哋啦,可能思想混亂,但佢哋話每次聽完我唱歌可以舒緩心情啦,咁呢樣就係我想帶畀大家嘅嘢。我並唔能夠畀到實質嘢佢,我唱歌唔能夠爭取到真普選,但我畀到一種力量令大家撐落去。

F:第一日到𠵱家你心態有咩轉變?

香:一開始喺急救中心幫手,之後又去過物質站,有時要揾個定位畀自己究竟嚟做啲咩嘢呢,可能好似我朋友咁,喺樓梯畀隻手人做扶手,一個微笑可能係一個崗位。我問自己點解要嚟呢度?為呢場運動有咩付出呢?就係以我嘅唱歌啦,或者一啲卡通人物公仔放喺度,希望呢啲微小東西可以幫到大家,畀力量大家撐落去!



鍾意就快D Share啦!
Related Posts Plugin for WordPress, Blogger...