2014年12月3日 星期三

[FACE - 393] 洪欣 14歲大仔兼母職 洪欣,MF,




睇嚟張浩鋒同妹妹張晞彤感情都幾好,不時都會撩吓個妹同佢交流吓㗎!

全知言

洪欣 14歲大仔兼母職

圈中模範夫婦,要數的話,相差 11年嘅洪欣同張丹鋒都算係數一數二,最令人羨慕嘅係 33歲張丹鋒不單無嫌棄唔係己出嘅囝囝張浩鋒(姓都改埋,原名莫鎬廉、洪欣同莫少聰生㗎!),佢兩個感情仲鬼咁好添!

上週日( 23日)全知言又喺中環撞到洪欣一家,初時佢哋似係迷路,洪欣就四圍搵路,而張丹鋒就孭住未夠一歲嘅囡囡張晞彤緊隨其後,阿仔張浩鋒亦孭住書包跟住行。可能行到有啲攰,乖仔忽然提議同老豆交換孭,後來就變咗阿哥孭妹妹,爸爸孭書包,媽媽繼續搵路。 14歲人仔咁生性,同「老豆」又咁好感情,全知言 like爆!

今年 14歲嘅張浩鋒已經生得高過本身都唔矮嘅洪欣,嘩,仲有排有得發育,唔知佢會高成點呢?

張浩鋒由細到大都生得似老豆莫少聰,更遺傳埋莫少聰高大身型。



鍾意就快D Share啦!