[FACE - 393] 離巢王子 月入 3萬 5難買樓 伍家謙離 TVB箍索老婆 TVB,MF,

AJ13復刻版　炒價約$1,800

真面目

離巢王子　月入 3萬 5難買樓　伍家謙離 TVB箍索老婆

體育主播伍家謙上週五（ 28日）最後一次出鏡報體育，明年 1月就正式離開做咗 11年嘅崗位，以後大家冇得再聽：「曼聯又輸波喇！」

其實伍家謙放棄月薪 3萬 5嘅工作轉做司儀，都係希望賺多啲錢買大樓養索妻，伍家謙告別熒幕第二日打完籃球，同老婆搭晒膊頭兼十指緊扣晒恩愛，曾呻買樓首期難儲嘅伍家謙，出去博一博都係人之常情啫！

其他影片：>>灣仔箍拖伍家謙靚人妻　喪食二手煙
>>擺檔賣皮袋　撐伍家謙離大台
>>新聞王子球技點？　伍家謙搶波搶到索晒氣

伍家謙最後一次出鏡未有向觀眾告別，但回家讀 fb留言時就忍唔住喊咗出嚟，其實佢暫時仍然喺大台撰稿，下月至正式離開轉任司儀工作，希望跳出去搵更多錢。

伍家謙喺大台報咗 11年體育新聞，上週五（ 28日）最後一次出鏡表現如常，但返到屋企睇到粉絲話唔捨得，就忍唔住喊咗出嚟。網上圖片

雖然家謙煙不離手，但係老婆冇黑面，似乎接受咗老公呢個不良嗜好。

伍家謙都幾大煙癮，同老婆食飯期間要走出食肆啅番支煙。

差半呎

伍家謙同任職文員嘅老婆結婚一年幾，上週六（ 29日）飯後行街依然表現恩愛，搭晒膊頭好鬼 sweet。

老婆勁捧場

半年前伍家謙因醉駕被捕，辯護律師喺庭上透露其月薪有 3萬 5千蚊，又有個任職文員嘅老婆；講真生活都幾美滿，但原來伍家謙曾經呻過買樓難話：「港人買樓難，因為個首期好似民陣同警方各自公布嘅人數一樣差幾十萬。」

據知伍家謙上年結婚開始由自細長大的西環搬至將軍澳新都城，但想升呢再搬新大屋，惟有豁出去希望闖新天地。雖然人工唔差又公一份婆一份，但伍家謙人前人後都非常錫老婆，告別熒幕第二日為 TVB打傳媒盃籃球賽決賽，老婆亦有捧場，完場後 2人恩愛搭膊頭又十指緊扣，雖然期間伍家謙經常扯煙，不過之前任職日航空姐的伍太都冇抗拒，堅恩愛㗎！

曾因醉駕而上庭的伍家謙， 2年前對七．一有感而發，喺 fb大呻買樓難，因為首期好似民陣同警方公布遊行數字一樣咁大出入，差成幾十萬，睇嚟家謙要努力啲喇。

29/11最後冠軍　藍色 Robe IX$1,699

上週六（ 29日）即係伍家謙最後報體育之後一日，參加咗傳媒籃球賽，可惜表現麻麻，冇搶攻入球，家謙只係入咗兩個罰球。

26/11　紅色 AJ XX9$1,699

伍家謙有品牌贊助，打波着衫襯都係靚鞋，上週三（ 26日）四強賽着住嗰對 AJ XX9， 29號公開發售，佢 26號已經有得着，身份象徵！《蘋果日報》圖片

但係打波係講團隊合作嘅，家謙嘅球隊最終臝咗冠軍，算有交待啦。

方健儀都撐謙謙轉行

嗱嗱嗱，離開大台唔代表冇運行，好似靚主播方健儀離巢後更多姿多采，上週六（ 29日）佢喺石硤尾 JCCAC藝術村手作市集擺咗兩日檔，鬼咁好生意，佢亦喺 dbc電台做緊主持、又將會喺中大教書同埋喺院校兼任講師，仲有好多司儀工作添。

對於以前幾乎日日見嘅舊拍檔伍家謙離職，方健儀都好贊成：「佢私底下有同我傾過，人到某個年紀都會有啲新諗法，佢想跳出電視框框去做其他嘢，其實我兩年前都係咁諗法，我都幾期待第時大家以 freelance身分再合作。」

方健儀做生意當然親力親為，現場見佢好落力 sell客，聽到佢把磁性聲音都心軟啦。

皮製 iPad套同卡片套方健儀都有份設計，佢話老公第一手試用過相當唔錯喎。

賣 DIY皮革$350-$550

鍾意就快D Share啦！

下一篇 》