熱爆娛樂: [FACE - 393] 早知今日　開戲再捧栢芝　向太：佢好後悔向太,陳嵐,栢芝,MF,

2014年12月3日星期三

[FACE - 393] 早知今日　開戲再捧栢芝　向太：佢好後悔向太,陳嵐,栢芝,MF,

俾杜 Sir話完唔係專注演員，忙於搵人仔的栢芝懶得回應，不過其現時內地經理人余毓興就話大導咁講「有失身份！」網上圖片

真面目

早知今日　開戲再捧栢芝　向太：佢好後悔

明明十幾年冇合作，專心湊仔、得閒賺下人仔嘅栢芝咁又上頭條，上個月俾大導演杜琪峯寸「唔夠專注、唔會再用！」，疑似「躺着也中槍」！

其實十幾年前當紅時，杜 Sir用過栢芝好多次，為乜搞到永不錄用？上週向太陳嵐接受本刊電話訪問時全盤托出，原來 03年栢芝接拍《大隻佬》之時，正值霆鋒翻撻王菲之際，栢芝邊睇精神科醫生邊拍戲，唔記對白又遲到失場，最唔「專注」就係去到邊都袋住個電話、連吊威吔電話響都照聽囉！大導嫌棄、業界當正票房毒藥，難得呢個時候仲有向太願意扶栢芝一把，明年套《封神榜》、搵齊古天樂同李連杰再捧栢芝做女主角！

其他影片：>>爆栢芝杜琪峯11年恩怨　向太：佢好後悔態度有問題

合完又分、分完又合，其實北京禁室培慾四日三夜已經係「鋒菲戀」第 N次翻撻，話說 00撻着、 01年搭上栢芝、 03年霆鋒又再高調食回頭草，當年栢芝暴瘦、癲喪、講句嘢都爆青筋，同一時間又拍緊杜琪峯套《大隻佬》，難怪向太都話，二人恩怨正是由 11年前數起。

99年同前經理人朱永龍鬧翻後，張栢芝變轉投中國星，至今仍然與向太關係良好。《蘋果日報》圖片

栢芝忙湊仔時，霆鋒則忙湊「菲」，近日被網友踢爆在京拍住健身，再雙雙到大理渡假。網上圖片

拍《大隻佬》得罪杜琪峯

03年杜琪峯開拍《大隻佬》，向太認是自己逼情傷栢芝接拍、又再逼杜琪峯起用栢芝做女主角：「我有責任！」

《蘋果日報》圖片

向太親證， 03年栢芝在《大隻佬》片場態度欠佳，經常忘記對白、遲到失場，還神經質電話不離身。《蘋果日報》圖片

據悉栢芝最不「專注」的表現，正是《大隻佬》劉華飛天營救呢場戲，栢芝吊住威吔聽電話：「杜琪峯即時嬲到震！」網上圖片

同佢合作機會好微！（真實對白）

杜琪峯向內地傳媒表示唔敢再用張栢芝，上月 18日回港接受浸會大學榮譽博士時再向港媒補充：「佢唔適合我的電影，我需要專注的演員。」

栢芝：唔敢再犯！

上週向太接受本刊電話訪問，親自解畫：「嗰陣時佢同霆鋒分手，又睇緊精神科醫生，成日唔記得對白，又會遲到失場，仲去到邊都唔肯放低個電話。最過份一次係吊住威吔電話響，栢芝都停晒手攞個電話出嚟照聽，杜琪峯嗰下真係嬲到震！其實我都有責任，當年係我逼栢芝接《大隻佬》，又係我逼杜琪峯用栢芝，想佢 keep住啲人氣，咁栢芝都好可憐，由細到大冇人教。佢同我講番，都話好後悔，話自己以前態度同性格都好有問題，如果可以返轉頭，一定唔敢再犯！」

同杜 Sir仲有冇下次唔敢講，不過當正栢芝親生女一樣嘅向太，就再俾多次機會栢芝，出年開拍嘅《封神榜》預埋栢芝，唔只戲份最重嘅「哪吒」一角鐵定由栢芝出演，拍攝進度仲就晒栢芝，包保佢每週四需開四日工、週五至週日可以飛返轉新加坡探兩個寶貝仔！呢啲咁好嘅老闆娘去邊度搵？栢芝今次吊威吔記得唔好再聽電話喇！