掃呢頁CODE去手機

2014年12月24日 星期三

[FACE - 396] 走為上着  Eason拉線簽環球  Gin Lee:佢讚我把聲好靚! Eason,李幸倪,Gin Lee,陳奕迅,MF,




Gin Lee喺 bma發展平平,難得同 AGA合唱一首〈一加一〉,引到 Eason注意,仲幫手拉線入埋環球!網上圖片

真面目

走為上着  Eason拉線簽環球  Gin Lee:佢讚我把聲好靚!

曹格離巢!周國賢又離巢!最近連老闆娘梁芷珊鍚到燶嘅 Gin Lee李幸倪都走埋!空穴來風必有因嘅!據知 Gin Lee同環球歌手 AGA合唱前,環球已睇中 Gin Lee想簽她過檔,加上得到 Eason賞識,出力幫手拉線,最近終於落實做 Eason師妹。

喺 bma發展 3年, Gin Lee雖則係得寵頭馬,不過公司始終不夠國際化,未能幫 Gin Lee升呢。 Gin Lee仲同本刊大方承認已經和 bma完約,她說:「公司模式轉咗,同我想發展嘅節奏唔同,想轉下新公司,大細公司都傾勻晒, 3月就會有消息!」佢仲話 Eason讚佢把聲好靚!唔怕認

唱功了得嘅馬來西亞歌手 Gin Lee,憑參加大台音樂節目嘅踢館賽而成名,之後就被 bma羅致其下,老闆娘梁芷珊又寵愛有加,試過安排入住貝沙灣豪宅,足見得寵地位。

Gin Lee來港發展歌唱事業,頭炮簽畀羅傑承嘅 bma唱片公司,雖然老闆對 Gin Lee寵愛有加,不過仍無助歌唱事業,長遠之下, Gin Lee梗係另覓出路。

一次機緣巧合下, Gin Lee同 AGA合唱〈一加一〉,網民激讚外,仲幫 Gin Lee帶來新機會,入埋環球做埋 Eason同門師妹。網上圖片

Eric Kwok好幫手

Gin Lee同 AGA合唱的〈一加一〉點擊率高達 57萬,為轉新公司打下強心針。網上圖片

不過唱片公司 bma近年大量流失歌手,雖然最後剩低 Gin Lee一個,公司資源一人獨享,不過音樂發展始終無起色。好彩好歌有好報,最近 Gin Lee憑合唱歌曲〈一加一〉成功翻身,網民激讚仲有 57萬點擊率,最重要是得到 Eason點名稱讚之餘,仲出手安排她過檔環球,雙方合作已經傾得七七八八,下年初就會有公布。

上週五( 19日),本刊致電 Gin Lee,她承認同唔少唱片公司傾緊合作,她說:「 6月同公司完約,年頭就同老闆傾續約,不過大家方向唔同,有地方配合唔到,自己都想試下新公司。(簽約環球?)係同佢哋傾緊合作,不過都有同其他公司傾過,大大細細公司都有傾過,希望 3月前公布」問 Gin Lee知唔知 Eason拉線令她入環球?她說︰「 Eason有讚我把聲好靚,我唔知佢有冇幫手,不過今次 Eric Kwok就好幫手。」

演唱會之星

唱片公司無助發展,惟有靠自己爭取曝光,今年 2月初, Gin Lee就拍住王馨平同李樂詩演出《盛.載.愛傷健慈善音樂會》,唔收酬勞齊齊為慈善獻聲出力,保持一定的曝光率。

《忽然 1周》圖片

7月舉行的《我最喜愛的 Eric Kwok》演唱會, Gin Lee都係表演嘉賓之一。

圖片

Gin Lee來港發展,老闆娘梁芷珊試過安排她入住貝沙灣豪宅,雖然 Gin Lee決定轉投新公司,不過原來梁芷珊都好支持㗎,兩人仍然友好關係。

轉搞飲食

羅傑承同老婆梁芷珊打骰的 bma唱片,今時已經唔同往日,加上歌手一個一個離巢,餐飲生意先係公司目前最大搞作,好似「來佬餐館」和「大牌檔」,音樂事業全面停止。

圖片

bma最盛世的時代有關心妍、周麗淇、鍾鎮濤、曹格同周國賢,不過走吓一個、走吓又一個,就連最後的 Gin Lee都唔續約向外闖。

圖片

羅傑承主理的 bma已經不再主打音樂,全力發展飲食生意,好似位於中環的來佬餐館。



鍾意就快D Share啦!