掃呢頁CODE去手機

2014年12月24日 星期三

[FACE - 396] 鬥放料 鬥大肚 陀仔大婆險勝陀女 Mandy Lieu Mandy,劉碧麗,Mandy Lieu,MF,




上週二(16日),肚凸凸 Heidi繞實洗米華出席壹基金慈善晚會,被傳媒連番恭喜時, Heidi甜笑、洗米華則「多謝」默認。

封面

鬥放料 鬥大肚 陀仔大婆險勝陀女 Mandy Lieu

花生嘅嘢,我自細鍾意食,不過呢期確係覺得有啲食滯!

即係咁,名模搭上猛人、正印出馬示威,嗰頭話玩完,呢頭又食住波餅去賭百家樂,盛傳猛人嬲爆放料話斬纜……乜你以為場戲咁就做完?原來戲肉𠵱家先至嚟。最新發展,洗米華拖住大肚正印晒恩愛嘅同時, Mandy Lieu又話又嘔又肚痛喎!衰在陀嘅係 B女,陀仔大婆險勝咗囉!

豪宅入手、身家暴漲、𠵱家連種都話留埋,邊個係扭轉 Mandy命運嘅貴人?正是手下士多啤梨蘋果橙大把女介紹嘅錢國偉!自用又得、送禮都得,開「果欄」咪呢樣好囉!

與前妻育有 18歲長子周柏豪(小圖)、再與現任老婆 Heidi誕下 10囡囡 Virginia,明年周家又會再添一男一女新成員。

圖片

你的身家如何,你的後宮也必如何!澳門賭業猛人兼太陽娛樂老闆周焯華呢期最係威威。在明,拖住正印 Heidi陳慧玲出席公開場合,上週二( 16日)兩公婆繞到實去壹基金慈善晚宴,默認懷有第二胎;在暗,遊山玩水賭百家樂有紅顏 Mandy Lieu去到邊陪到邊。可惜, Mandy作嘔睇醫生就冇人陪,更加驚爆正印懷胎四個半月、 Mandy又係懷胎四個半月,又會咁啱?

身價升百倍

芳年 29歲,大馬美國混血的 Mandy來港發展 10多年,娛圈發展一向平平,今年 8月卻突然被週刊拍到搭上澳門猛人洗米華,一週見足三次極盡寵幸,更獲幕後老闆洗米華點名力捧,入行來首次有得擔正,做陶傑處男導演《愛.尋.迷》第一女主角。

本來一個平平無奇混血模,事業高峰都不過係擔任 now電視主持、同李澤楷傳過緋聞, Mandy一躍龍門扭轉亁坤,公開活動買少見少,身家卻突然暴漲,被揭以 9千 1百萬一炮過入手西半山豪宅珒然後,再自資做埋老闆娘開模特兒公司,再唔係手停口停 model妹。

正印肚凸盛傳懷孕四個半月之際, Mandy幾乎在同一時間被拍到作嘔肚痛在養和醫院求診,亦傳出懷孕。

《蘋果日報》圖片

周一(22日)經理人 Marie自稱不知 Mandy回港求診,只默認 Mandy懷孕傳聞以及現時情緒不穩。

《蘋果日報》圖片

自從人肉梳化賭百家樂相曝光後,洗米華再沒有被拍到與 Mandy會面,上週出席電影《十月初五的月光》開鏡時亦不接受訪問。

Mandy Lieu最後一次出席公開活動是兩個月前,經理人 Marie表示話一早已經不接新 job,並非為安胎推 job。

《蘋果日報》圖片

錢國偉拉線搭洗米華

去年九月洗米華 39歲生日,錢國偉帶 bikini𡃁模大隊到賀,雖然 Mandy沒有在報導中出現,不過據悉亦是因為錢國偉介紹而結識洗米華。

圖片

圖片

大婆出招

Mandy用長腳同人肉梳發箝得洗米華,不過連月以來大婆 Heidi亦不斷出招狙擊,難怪就算留得龍種在, Mandy安胎過程亦情緒麻麻。

睇首映

Mandy被週刊踢爆獲洗米華寵幸後,發聲明公開戀情,正室 Heidi十月即高調拖住洗米華出席《一個人的武林》首映宣示主權。

網上圖片

借把口

11月洗米華豪使五百萬請太座及友人去法國慶祝 Heidi生日,唔使自己出聲,由澳門 Ball后好友李碧君公開鬧爆 Mandy:「你在他們在慶祝她的生日時傳短訊給她的丈夫,你不覺得羞恥嗎?」

圖片

全家福

個人社交網絡一向得自拍相為主,外傳 Mandy收完香港樓再收澳門同大馬樓後, Heidi即在 fb上載多張一家三口溫馨照反擊。

貼文鬧

在 fb轉貼文章《女兒寫給父親小三的一封信》後,再於微信鬧多次:「女人不要動不動就和男人生氣,是他不喜歡的,不要動不動就懷疑懷疑那,是他受不了的!學學潘金蓮,不喜歡的毒死就好了,多簡單的事!」

試鏡《夜蒲 2》

據悉,突然拓展生活圈子,結識得澳門猛人並獲寵幸,原來幕後功臣係無綫監製出身、現為電影導演的錢國偉。人稱肥 Wil的錢國偉出晒名愛在女人堆打滾,拍戲專拍《夜蒲》系列攬盡圈中𡃁模,成名作節目《美女廚房》除咗靚女嘉賓,亦有集集都會出現嘅水果小花。士多啤梨蘋果橙儲儲埋埋,自己切生果盤容易,用嚟招呼朋友更方便。

眾所周知,去年九月, Wilson就被拍到廣邀美女過大海,泡製比堅尼人肉佈景板為洗米華慶賀 39歲牛一。雖然當日 Mandy Lieu並冇攝入鏡頭,不過曾經擔任過《美女廚房》嘉賓, 12年肥 Wil開拍《喜愛夜蒲 2》,原來 Mandy Lieu都試過鏡,識做又醒目的 Wilson及後在私人聚會親自帶 Mandy與洗米華見面,成功撮合。

戀情曝光三個月後,表面斬纜,上月卻突然驚爆人肉梳化豪賭畫面。

《蘋果日報》圖片

一樣係錢國偉介紹、一樣有指曾獲洗米華寵幸,週一藍莓劉俐接受電話訪問好驚驚:「吓!唔好問我啦,我唔記得咗喇!」

「情緒唔好係真嘅!」

周一( 22日),事態再有新發展,有報導指 Mandy經理人 Marie親口默認 Mandy腹中肉,經手人除了洗米華並無他人、以及 Mandy已經決定會生下 BB。本刊致電 Marie,她卻指被扭曲意思,她說︰「其實我冇咁講過,我係有同 Mandy用 WhatsApp聯絡,但係唔係生女、經手人係邊個,我唔可以幫佢答!我都係講咗嗰句,係唔係有咗過一排自然會知!(腹中肉係女仔?)咁我哋冇講過呢啲,我唔可以代佢答!據我所知,佢情緒唔好係真嘅,停工亦都係真。不過就唔係因為大肚而推 job,係呢幾個月根本無接過 job。」經理人唔願代答, Mandy電話繼續無回覆,而媒人錢國偉亦極罕見不接電話,睇怕只好繼續食住花生等睇下回分解。

除了西半山九千萬豪宅,亦盛傳 Mandy有得在澳門、老家置業,甚至自資開模特兒公司,今非昔比。

撻着數個月, Mandy Lieu已經極得洗米華寵幸,被爆一炮過以 9千萬購入豪宅,不過冇住過。

有情歲月

樣靚身材正,搭上洗米華前, Mandy感情生活一向豐富,緋聞男友包括超級富豪級的李澤楷、諧星金剛、和才子型的 G.E.M.的唱片監制 Lupo,不過唯一承認過的只得 07年至 10年間、拍拖四年的台星陳柏霖。當年兩人金童玉女去到邊都連體嬰一樣,可惜 10年突然由女方宣布緣盡。

陳柏霖

李澤楷

金剛

Lupo

回帶!爭寵經典事件薄!

第三位:踢狐腿

99年韓君婷同銀行家雷冠賢傳出緋聞,非一般人妻高菲菲自稱做過解放軍、又係體操王子李寧師妹,接受傳媒訪問時又一字馬又踢腿倒立,話為捍衞家庭要施出踢狐腿絕招喎!

第二位:何家猜

98年四太梁安琪常伴賭王何鴻燊身邊大出風頭,當年大台播緊《西遊記》,二太藍瓊纓因此揶揄四太:「通臂猿猴點同齊天大聖比」,四太則回敬:「齊天大聖再本事,都逃唔出如來佛祖五指山,佢梗係食咗安眠藥啦,都黐線!」

第一位:玩大劉

08年 10月,甘比由紅顏知己升級,首次懷有大劉骨肉。不過甘比誕女一周後,呂麗君向全港傳媒發聲明表示有人「進取心有目共睹」及有心誤導其初生女兒生父身份,明為爭寵搞大佢。結果大劉震怒,接受週刊訪問鬧爆呂麗君亦話明經濟封鎖,當年亦都食咗全港市民唔少花生。



鍾意就快D Share啦!