全城熱爆的娛樂八封新聞 & 時事趣聞 & 生活 + 趣聞
咪睇珠姐年紀唔細，但小動作仲係好少女㗎！睇佢講講吓諗嘢個樣，加埋篤吓篤吓塊面，可愛到呢。
唔覺唔覺已經 56歲嘅陳秀珠，喺大台由少女做到阿嫲，媽咪姐真係睇佢做戲大㗎！睇番 30年前佢同萬梓良嘅《陸小鳳之鳳舞九天》，靚過依家唔少花旦囉。之但係歲月不饒人，依家嘅珠姐真係師奶一名，呢日佢趁喺美國留學嘅囝囝陳迪加返嚟度假，去咗九龍城買生果，成條侯王道俾佢走咗轉，最後揀咗發哥都幫襯嘅生果店入貨。睇佢寫晒清單逐樣問，似係囝囝落定 order執貨，講講吓珠姐又篤住自己塊面， cute得佢吖！
珠姐將要買嘅嘢，寫晒喺本簿仔度，費事買漏嘢，但咁樣指指吓，埋單又過千。
04年，珠姐帶過囝囝出活動，但前兩年送咗佢去三藩市讀書。難得囝囝放假返嚟，想要乜都買俾佢
話咁快又 30年，珠姐當年同萬子拍戲個樣幾清純。
