掃呢頁CODE去手機

2015年1月9日 星期五

[忽然1周 - 1015] 撒嬌女人 MW,




博出位

撒嬌女人

連彭浩翔都要拍《撒嬌女人最好命》,可想而知,女人最強一定係撒嬌。唔少女星趁住佳節齊齊發功,向「 The One」撒嬌,兼向姊妹們晒命。好似楊怡就隔空向羅仲謙傳情,熊黛林、陳喬恩、徐熙媛(大 S)亦晒幸福!

楊怡 素顏慱情

楊怡同羅仲謙愛得癡纏。趁住新年,一向被指面容多度發育的楊怡,更大晒素顏照,仲話明自己新一年要「羊羊(楊楊)得意」。謙謙,咁你識做

近日楊怡好友開食肆,楊怡同樂瞳都有撐場。當晚一班姊妹大講心事,難怪楊怡咁開心啦。

陳喬恩 明示加油

古天樂緋聞女友陳喬恩,唔覺唔覺已經 dry足一年。新年當日,陳喬恩收到追求者送來大盒火紅玫瑰,佢自然要晒命,仲明示追求者繼續加油㖭。

熊黛林 溫馨邊爐

郭富城密密網交𡃁模,其前度熊黛林亦撻着郭可盈有米細佬郭可頌。熊黛林近日大晒邊爐照,雖然照片唔見人,不過碗筷同爐都有兩份,擺明係同情人撐枱腳啦。

徐熙媛 幸福滿瀉

徐熙媛(大 S)婚後有子萬事足,近日她就大晒一家三口幸福合照,更自言:「這就是我想過的好日子!」佢老公汪小菲出名花弗,大 S講到咁,擺明講說話俾老公聽啦。

大 S兒子汪希玥8個月大,十分精靈,有金叵羅在手,難怪大 S咁得戚。



鍾意就快D Share啦!