全城熱爆的娛樂八封新聞 & 時事趣聞 & 生活 + 趣聞
出錢又出力嘅古天樂，今次谷埋胸，大到幾乎要戴胸圍。
上星期六（一月三日），賀歲片《 12金鴨》喺淺水灣搞記者會，除咗之前見過街嘅三色鴨劉浩龍、姜皓文同 Baby John蔡瀚億，今次仲有埋出錢又出力嘅古天樂、老鴨黃秋生同周柏豪，不過一直傳係其中一隻鴨嘅謝霆鋒，依然冇影，玩神秘！
《 12金鴨》加《衝上雲霄》再整多部《神探駕到》，三部賀歲片都有份嘅古天樂，是日貼身短袖 tee晒肌，仲即場收腹示範擴胸，脹卜卜到要戴胸圍咁滯，不過當事人話自己係天生，唔使操唔使谷。 古老闆既然唔怕自己打自己，咁照計亦唔會介意王晶搬部《鴨王》出嚟，賀歲抽你水。
周柏豪同吳君如，竟然撞髮型。
一身兼兩職，日日趕戲嘅吳君如，攰到眼袋現形。
