[壹週刊 - 1296] BoBo跳過男友湊老細莊友堅 M1,

連續多日，本刊拍到 BoBo到北角返工，雖然一身行政 look，但狀態依然弗爆。

探熱針

BoBo跳過男友湊老細莊友堅

○七年被前度陳冠希的「艷照事件」搞到一身蟻的陳文媛（ BoBo），出事時一直有任職威利國際董事總經理男友金紫耀力撐，○九年，更獲打本百萬開美甲店做老闆娘。早前男友離職，美甲店亦已結業，但過慣闊太生活的 BoBo不單未受影響，反而再升呢，跳過男友變身有「細股玩家」之稱的莊友堅得力愛將，繼續湊老細。

未婚夫吵大鑊走

遭前度拖累，陳文媛被迫完全退出娛樂圈，其間仍得男友金紫耀照顧，○九年， BoBo開美甲店榮升老闆娘，不過生意麻麻，蝕足四年，結業收場。

「嗰陣傳係金紫耀俾錢 BoBo搞生意，其實係 Eugene（莊友堅）至真！就算嗰次出事（淫照）， Eugene都有安排私人飛機喺美國接佢返香港， BoBo男友金紫耀始終係打工仔，幫公司搵到錢就話啫，但聽講前排有單交易蝕大錢，佢同公司吵大鑊走咗，不過 Eugene同 BoBo關係仲好好。」知情者說。

BoBo是陳冠希當年唯一肯承認的女朋友，不過依然被累到一身蟻。

早前公司同事生日， BoBo跟莊友堅都有出席慶祝， BoBo更笑到見牙唔見眼。

明星打工仔

莊友堅旗下有多間上巿公司，歷年亦有過不少過氣女藝人及落選港姐，成為旗下員工。據了解，莊友堅對班明星員工相當重用，其中跟他傳過緋聞的前開心少女組成員羅明珠（現改名羅愛過），曾獲安排在上巿公司福方任職，因表現良好，再被欽點入局成為多間公司董事。

至於前下屬女友的 BoBo，莊友堅亦非常提攜。

「美甲店執咗之後，佢叫 BoBo入公司，雖然 BoBo唔係做開呢瓣，不過之前一直有學股票投資，加上 Eugene好體貼，搵咗幾個有年資嘅 staff傍住 BoBo，等佢可以邊做邊學，聽講而家佢負責睇其中一間公司盤數。」知情者說。

日前，記者發現 BoBo一身名牌行政人員打扮，坐住七人車，由司機接送返工放工， BoBo一個人，有別於過往做美甲店老闆娘時，有男友金紫耀陪出陪入。

09年美甲店開幕， BoBo跟男友負責剪綵，由於開在莊友堅公司寫字樓的商業大廈地下，老細亦會經常出現巡鋪。

金紫耀（中）未離職前，經常被拍到他跟 BoBo及莊友堅三人行。

莊友堅擁有兩架私人飛機及多間獨立屋，上水的過萬呎豪宅，他更會經常招呼員工去開 P。

羅明珠（左一）跟羅美薇（右一）、袁潔瑩（右二）都是早期開心少女組成員，拍過不少青春片。

近年成為多間公司董事、發福的羅明珠改名羅愛過，亦有孖住舊拍檔李麗珍出席佛教活動。

細股玩家

有細價股股神之稱的莊友堅，在股壇無人不識，曾參與金融圈多宗轟動一時的交易，例如電盈（ 008）種票案、豐德麗（ 571）配股案等。

先後同陳奕詩、羅明珠等女藝人傳過緋聞的莊友堅，跟城中富豪一樣，擁有私人飛機、多間過億物業，而他位於上水御林皇府的一萬七千呎連花園豪宅（ 13年以一億三千萬賣出，勁賺七千二百萬），當年用四千萬裝修，屋內有明朝椅子、佛頭像、十八羅漢、水晶等古董及風水擺設，更有數百萬音響及名酒，生活奢華。

鍾意就快D Share啦！

下一篇 》