掃呢頁CODE去手機

2015年1月8日 星期四

[壹週刊 - 1296] 忽然富貴 細妹新加坡搞地產  Race俾錢做老闆娘 Race,黃婉佩,M1,




同向佐分手後, Race富貴升呢,去年中跟妹妹在新加坡合資搞地產公司

探熱針

忽然富貴 細妹新加坡搞地產  Race俾錢做老闆娘

Race同向佐翻撻再分手,男方火速搭上內地演員王秋紫,再拖富貴𡃁模 Co Co袁聖殷; Race做小向太美夢落空,但再同向佐分手事隔兩個月,她忽然富貴,去年中打本俾細妹 Rhonda在新加坡開地產公司外,更與家人坐私人飛機環遊世界掃名牌,生活超豪。

冚家都富貴的 Race早前來港過聖誕,更向身邊朋友自爆離開娛圈後,生活質素比前高好多,女人,果然有計!

神神秘秘

已返回新加坡生活大半年有多的 Race,跟細妹 Rhonda在當地成立地產公司 AntHill Realtors,開檔只有半年,但公司已相當具規模,除了新加坡樓盤,同時亦有代理大馬、印尼和澳洲的住宅和商廈。

有細妹坐鎮, Race放心繼續享受人生;坐私人飛機環遊世界,近月已去勻歐美澳紐,十分梳乎!

「間公司主要係 Race細妹打理,佢只係負責出錢,仲話自己唔識地產,好多嘢都要跟細妹學。今次佢返香港過聖誕,大家都覺得 Race開心咗好多,但提到點解會突然咁豪,佢就會好避忌,即刻轉話題;問佢有冇拍拖,佢就話 date緊,唔肯多講。」 Race身邊人說。

新加坡總部

Race的地產公司 AntHill Realtors主要代理新加坡、大馬、印尼和澳洲的樓盤,她在新年後已回到新加坡開工。雖然剛開業,但公司裝修揼本。

早前 Race以 AntHill Realtors董事的名義,向客戶送出聖誕賀禮。

Race並不熟悉地產生意,除了妹妹 Rhonda打理公司外,還有兩名男拍檔幫手拉線。

老豆做發展商

Race水頭充足!家姐 Rosanne亦直認新加坡的地產公司,是由 Race出錢。

壹:壹週刊  R: Rosanne

壹:點解 Race會同細妹 Rhonda搞地產公司?

R:因為 Rhonda做開地產,之前幫人打工,係全公司業績最好嘅 top sales, Rhonda覺得反正自己有咁多客,不如同二家姐 Race一齊開公司。其實我哋屋企都係做地產, Daddy近半年仲做埋發展商,住宅同商場都有。

壹:會代理埋爸爸嘅樓盤?

R: Daddy啲樓盤未開始推出嚟!遲吓賣得嗰陣,細妹間公司都一定會有份做代理。

壹:間公司投資咗好多錢?

R:唔,應該係 Rhonda佔嘅股份多啲。

壹: Race而家經常坐私人飛機周圍去,點解佢忽然咁富貴?

R:每個人都有自由選擇,有啲太私人嘅嘢,我就唔想分享。

壹: Race有冇拍拖?

R:佢好多人追,但仲相處緊,我都見過其中幾個,最緊要佢開心。

雖然做不成小向太,但轉行搞地產的 Race比前更富貴。

Race父親半年前開始做地產發展商, Race稍後會代理他的樓盤。

回港掃 Dior

日前 Race回港過聖誕,跟家姐 Rosanne在中環鳩嗚,她在 Dior掃了一袋戰利品。

超豪生活

Race在 ig晒聖誕禮物,包括一隻 Cariter經典紅寶戒指。

孖住妹妹 Rhonda坐私人飛機周圍旅行。

同家人坐私人飛機周遊列國,其中包括 Rosanne和夫婿、細妹 Rhonda,名牌戰利品放滿機艙。

雖然剛創業,但 Race仍有時間跟 Rosanne和 Rhonda四出旅行,早前去了挪威。



鍾意就快D Share啦!