2015年1月22日 星期四

[壹週刊 - 1298] 參加《歌手 3》唔靠 X叫 古巨基推 job嫌錢腥 古巨基,M1,




探熱針

參加《歌手 3》唔靠 X叫 古巨基推 job嫌錢腥

古巨基以香港代表身份出戰湖南衞視《我是歌手 3》,上星期播出的第三集,以 Beyond大熱廣東歌《情人》出戰,唔使靠×叫一樣突圍成功,擊敗韓紅、孫楠及張靚穎等一班大陸歌手,成為該集冠軍。

比賽一向標榜要×叫先有好成績,但基仔堅持人叫我唔叫,寧願行「走心」(用感情打動人心)路線殺出重圍,更以廣東歌迎戰,推動香港音樂。

在大陸人氣急升,基仔即時成為演唱會和活動頭號目標,商演價更颷升到百萬人仔唱三首歌,不過他竟然嫌錢腥,在這個搵錢黃金時間,頻頻推 job。

推動廣東歌

上年 G.E.M.(鄧紫棋)參加《我是歌手 2》,係又×叫,唔係又×叫,不斷「兒夜依野 以夜儀野」,結果在大陸一炮而紅成為「國際漿」,排場比國際巨星更巨星。

今年由古巨基做香港歌手代表,身兼主持的他,要講大量普通話,發音雖然偶有失靈,反而變成全場笑點,因禍得福被封為「萌主」,加上放棄×叫,選擇行「走心」路線,結果輕易搞喊一班「我是演員」觀眾。每集播出後,基仔都會被網民瘋狂洗版,成為網上人氣搜尋目標,在湖南衞視官網,他和張靚穎每集的點擊率都在三甲內,至於內地大小天王孫楠和胡彥斌,一直在尾三位置徘徊。

「基仔今次無論唱歌抑或做主持,都俾到國內嘅觀眾驚喜,估唔到啲人咁鍾意聽佢唱廣東歌,所以佢嚟緊都會繼續唱,話希望可以做到有一半比賽,都係唱廣東歌。」一名工作人員說。

週一,是基仔老婆 Lorraine生日,但他們要前往長沙,準備為第五集錄影。

被問到會唔會繼續在《歌手》唱廣東歌,基仔肯定回答:「一定會!」

當宣布基仔得第一時,他表現得都相當愕然,然後同韓紅孫楠等擁抱。

本輯《歌手》被喻為是史上最強,集合中港台及新加坡一線歌手。

在湖南衞視官方網站內,基仔的歌曲點擊率一直都高企在頭三位,反而大陸天王天后孫楠韓紅,三甲不入。

第一集

第二集

第三集

身價暴漲

人氣突然急升,令基仔頓成國內演唱會和商演的搶手貨,不停有「老細」開出天價利誘,據業內人所指,基仔唱三首歌的商演價,已升至一百萬人仔起跳,其中有演唱會主辦商要求一次過跟他簽四十場內地巡迴,不過基仔至今一個都冇接,推得就推。

「因為要做《歌手》,基仔而家每星期一至五都要留喺長沙,得番星期六日喺香港,呢兩日又要用嚟練歌,仲忙過做演唱會嗰陣;佢唔想分心,所以寧願賺少啲,先專心比賽。」知情者說。

本週一(一月十九日),基仔與是日牛一的老婆 Lorraine,又再上路飛長沙,對於往後參賽歌曲是否繼續揀廣東歌和拒絕×叫,他表示:「會唱自己鍾意嘅歌,會繼續上去唱多啲廣東歌。(點解唔趁呢段時間接多啲 job?)我想集中精神做好呢個騷,做完先會開始巡演。」

上年 G.E.M.參加《我是歌手》,大叫一餐,結果可以嗌到上太空。

陳潔儀因為唔肯×叫,結果第一個出局,但反而得到網民大力支持。



鍾意就快D Share啦!
Related Posts Plugin for WordPress, Blogger...