2015年1月22日 星期四

[壹週刊 - 1298] Jessica C冧仔招多 Jessica,Jessica C,M1,




行街幫男友睇衫, JC最終買咗手上頂帽(圓圈)俾安志杰,自己行女裝,反而食白果。

同你吟一吟

Jessica C冧仔招多

同男友安志杰人前人後 sweet到爆嘅 Jessica C,嗲功有幾掂根本唔使懷疑,佢仲出埋撒手鐧:送小禮物同親自下廚。

上個禮拜四(十五日),《壹》仔喺中環 ifc見到 JC一個人喺 Armani Exchange睇男裝,之後買咗頂帽俾男友,跟住就去價錢大眾化嘅 Zara睇女裝。買嘢俾男友, JC好爽手,反而响 Zara女裝行來行去都冇收穫。

買完禮物冧仔, JC去埋 city'super,有菜又有肉,準備親自下廚。事後 JC响 ig上載咗張同男友歎香檳嘅撐枱腳相,枱面放咗兩份西餐, JC仲話自己係 luckygirl。女友招招入肉,好在安志杰都有番咁上下,頂得住!

JC上載同男友撐枱腳飲香檳相,仲話自己係「 luckygirl」,安志杰肯定冧死。

去超市上糧準備下廚, JC仲買埋粟米片同牛奶做早餐,照顧男友,健康行先。



鍾意就快D Share啦!