你冇眼花，《壹》仔都冇眼花，呢個真係當年一口氣攞「最上鏡小姐」、「國際親善小姐」、「最具新世紀風采小姐」獎項嘅 2000年港姐四料冠軍劉慧蘊。
同你吟一吟
C9港姐劉慧蘊走樣 活麗明 keep到
已經 56歲嘅朱玲玲，抱埋孫做阿嫲仲叫做「最美麗港姐」，當然有佢過人之處，相比之下，只有 36歲， 00年四料港姐冠軍劉慧蘊，自從 04年下嫁富二代兼有「港姐殺手」之稱嘅林孝基，索性唔撈幕前，專心幫另一半打理生意，仲生埋仔做人母。
上個禮拜一（一月十二日），《壹》仔見到佢哋一家三口行又一城，又肥又殘嘅劉慧蘊，唔化妝，一身 C9打扮，根本冇人估到呢位「阿嬋」係港姐冠軍人馬。
唔做幕前，劉慧蘊連樣都懶得 keep，至於 94年港姐亞軍活麗明，可能耐不耐會做吓公開活動，就算 39歲，額頭有少少皺紋，算係 keep得唔錯。早排《壹》仔見到佢同前明珠台主持老公陳忠偉，拍拖行中環 city'super，兩個仲戴住情侶冷帽，證明結婚多年不減恩愛。
|
鍾意就快D Share啦！
|
|
|
