長期服藥令鄧萃雯面部浮腫，身形發脹了兩個碼。
探熱針
長手尾 惡疾未斷尾 鄧萃雯愈病愈肥
自從拍完《金枝貳》，鄧萃雯因為壓力爆煲，加上患過抑鬱症，身體健康逐漸走下坡，去年更證實患上自主神經失調，面、頸浮現紅疹，同時因為淋巴出問題，令頸部出現如雞蛋般大的腫塊。
命仔要緊，昔日是工作狂的鄧萃雯，終於明白健康的重要性，去年中拍罷內地劇後，便一直放假調理身體，早前更相約男友人食飯兼 shopping。但長期受病魔折磨的她，因藥物反應，導致身形及頸部發脹，肥腫難分。
醫生勸告
有過抑鬱症，之後淋巴出問題，同時患上自主神經失調，百病纏身的鄧萃雯，明知一切源於工作壓力，要保住健康，快將四十九歲的鄧萃雯決定放下工作，好好調理身體。
「佢以前工作永遠放第一位，而家唔會咁搏命，始終年紀唔細，身邊朋友都勸佢要享受吓，唔好逼得自己太緊，醫生都講到明，佢身體上所有嘅毛病，都係來自壓力，一定要學識放鬆，雯女自己知自己事，最後都肯聽醫生勸籲，就算有 keep住拍劇，都會抽多啲時間去旅行，做義工探訪，返教會傳道，盡量將工作壓力減低。」身邊人透露。
要養尊處優，鄧萃雯坐言起行，日前便相約一名身形肥胖的四眼男，到又一城開餐。去年中拍罷湖南衞視新劇《美人製造》後，休息近半年的鄧萃雯雖然精神不錯，但穿著白色外套的她，體形脹卜卜，肚腩微凸，還驚現雙下巴。
去年五月，鄧萃雯因為淋巴出問題，令頸側出現雞蛋般大的腫塊，事隔半年，腫塊已縮細。
藥物反應
二人先到王府食中菜，心情大好的鄧萃雯唔單只好胃口，同男友人更一直雞啄唔斷，成餐飯不停傾。醫飽肚，二人離開餐廳，鄧萃雯到 L'occitane買護膚品，男友人一直在門外等候，非常好耐性。
心情與體形同時放鬆，原來跟鄧萃雯長期服用西藥有關。
「佢拍完套劇返香港之後，就開始接受治療，因為淋巴同自主神經嘅問題仲未斷尾，要繼續食藥，不過有副作用，所以會出現水腫，其實捱完個療程，再做多啲運動，就會慢慢消腫。」知情人說。
|
鍾意就快D Share啦！
|
|
|
