2015年1月22日 星期四

[壹週刊 - 1298] 施祖男偷食 五十歲邵美琪再失戀 邵美琪,M1,




被問到分手一事,邵美琪明顯有備而來,強顏說:「唔講感情事!」

探熱針

施祖男偷食 五十歲邵美琪再失戀

九九年因為梁詠琪介入而同鄭伊健分手的邵美琪,○八年被後生十年的施祖男打動發展姊弟戀,拍拖六年,邵美琪讓工作量不多的男友搬入北角香閨同居,食住行全包,從不計較。

女友密做搵錢,但施祖男卻趁邵美琪到外地拍劇出動溝女。再遇上不忠男,五十歲邵美琪寧願繼續孤獨,分手斬纜。在港無工作、無屋企的施祖男,只好返回法國,靠家人接濟。

包起男友

○八年邵美琪拍電影《機動部隊──同袍》時,與三打七施祖男撻着。在法國長大的施祖男投「琪」所好,陪女友喺屋企煮飯仔玩浪漫,又經常陪邵母飲茶,姐姐和老人家,都氹得掂。

同後生十年的施祖男拍拖後,邵美琪刻意打扮年輕化,甚至開放北角威景臺香閨讓對方入住,坐駕任用,裡裡外外,供應充足。

「 Vinz(施祖男)成日氹到 Maggie(邵美琪)好開心,唔只把口得,手勢亦好唔錯;煮八、九個人嘅大餐都難唔倒 Vinz,自從住埋一齊,佢哋都好少出街食飯, Vinz仲識彈鋼琴,真係文又得武又得, Maggie對佢落重注,就算要照顧對方生活,都冇所謂。」邵美琪身邊人說。

近年邵美琪和施祖男關係愈見公開,可惜施祖男衰溝女,被邵美琪狠撇。

在港時住在邵美琪屋企,分手後,施祖男返法國投靠家人。

為討好細自己十年的施祖男,邵美琪打扮變得年輕,更陪他坐電單車。

除了古裝劇《刀下留人》,邵美琪同期更趕拍《三條友飲醉酒》。

施祖男向來工作不多,曾在《風暴》任大茄。

工作療情傷,邵美琪狂接工作,近日擔正新劇《刀下留人》。

母女相依

為討好細自己十年的施祖男,邵美琪打扮變得年輕,更陪他坐電單車。

跟施祖男分手後,邵美琪平日與母親相依為命,上週二( 13日)做司機接載母親。

情路崎嶇

入行三十年的邵美琪,情路崎嶇,自與鄭伊健愛得轟動傷得更深後,在她身邊出現的男人,均未能開花結果。

戚其義

84年初入行的邵美琪,與當時擔任編導的戚其義拍拖,兩人一齊六年分手,成為金牌監製,戚其義開新劇都會預埋前度,有情有義。

鄭伊健

92年合作《九反威龍》撻着,公開承諾照顧邵美琪一生一世的鄭伊健, 99年與梁詠琪合作舞台劇《仲夏夜之夢》搭上,好勝 GiGi更被發現送上門到壽星鄭伊健家中過夜陪慶生,大批傳媒聞風而至,邵美琪成為輸家退場。

鄭倫光

03年被拍下與身家過億的已婚「圍村地王」鄭倫光同遊北京,在機艙內,邵美琪挨住男方膊頭瞓。

黃德斌

06年合作《火舞黃沙》鬧緋聞,兩人經常在眾目睽睽下打情罵俏咬耳仔,但緋聞最後無疾而終。

偷食斷正

男友工作量唔多,邵美琪一直深信只是運氣未到。

「其實 Maggie好積極搵 job俾男友,但 Vinz自尊心好強,要求又多,舊年拍完張艾嘉套《華麗上班族》就一直冇嘢做,反而 Maggie劇接劇,又要返內地拍外景;但佢一行開, Vinz就喺外面溝女。佢一向都多女埋身,以前亦溝過衞蘭,但同 Maggie講話當啲女仔係細妹,叫佢唔好亂諗。但今次滾得太揚,兩個嗌咗場大交; Vinz俾 Maggie踢爆覺得好冇面,於是執嘢走仲返咗法國,佢以為 Maggie會心軟,點知計錯數。上個月 Maggie病咗,但佢寧願自己一個人,都冇回心轉意搵番 Vinz。」

邵美琪本身是靚女,多年前拍纖體廣告,身材令人眼前一亮。

曾到日本預支蜜月,一向愛認叻的施祖男,揚言日本之旅是介紹邵美琪給日本演藝界的朋友認識。

跟鄭伊健的一段情令邵美琪元氣大傷,事隔多年仍未找到幸福。

齊齊封嘴

邵美琪近年以拍電影為主,她跟任達華及林雪都是杜琪峯愛將。

五十歲再失戀,日前邵美琪出席公開活動,提到分手一事、施祖男返了法國等問題,她強顏說:「我唔講感情事!」

至於身在法國的施祖男,被問到被邵美琪狠撇,亦顯得愕然:「總之佢忙緊佢嘅嘢,我忙緊我嘅嘢!」問他是否已分手數月,施祖男以「我有電話入!」做藉口,匆匆收線。

男版金絲雀

施祖男有姐姐邵美琪照顧,剛宣布與第三任有米老婆離婚的夏韶聲亦一樣做過金絲雀,但籠中生活未必人人捱到,少啲耐力意志,都唔掂。

夏韶聲

63歲的夏韶聲,十年前跟拍拖只有四日的前越南華籍首富女兒 Tina閃婚,由村屋搬住美國萬呎巨宅,日日對住泳池作曲歎世界,更獲老婆贈送過百萬樂器,但他始終不適應籠中生活,早前提出離婚。

陳山聰

11年,陳山聰跟細自己十三年的賭王三房千金何超雲撻着,為鋪路做賭王女婿,他拋棄十年糟糠妻 Ponny,又停工陪女友周圍飛周圍玩,出入有司機接送,免費住陽明山莊豪宅;做上等人有條件:要跟豬朋狗友絕交,最終連「契姐」伍詠薇都反埋面,為氹富貴女友,小聰子甘願斷六親。



鍾意就快D Share啦!
Related Posts Plugin for WordPress, Blogger...