2015年1月22日 星期四

[壹週刊 - 1298] 黎瑞恩擺花陣 黎瑞恩,M1,




同你吟一吟

黎瑞恩擺花陣

勉強冇幸福!明知老公長期喺廣州包小三,但為咗對仔女,黎瑞恩堅守崗位,以為忍得就過到骨,點知曾智明愈冇王管就愈當三仔乸透明,夫妻緣盡,連子女情份都唔顧,黎瑞恩唯有放手,結束十二年婚姻。

同一對仔女由九龍塘曾家大宅搬咗去大埔嘅黎瑞恩,早排專登叫司機車佢出太子花墟買花,大大盆嘅蘭花唔同色唔同種,買到要店員幫手搬上車;上星期五(一月十六日),司機又車咗佢去中環擺花街一間花店,但今次佢唔係買真花,反而買咗啲絹布花同用嚟點綴年花嘅過年裝飾。

十年內傷,固然唔係一時三刻可以擺低,但起碼止咗血!同金利來三少撇清關係,名正言順同做免稅店生意嘅隱形富商鄭應南發展, 41歲黎瑞恩布好花陣,再拼過!

一滴妝都冇,俾鏡頭「隊」住,黎瑞恩下意識用手遮樣。

喺花墟買咗好幾盆蘭花,黎瑞恩自己捧咗盆放上車後座位,其他就由一男一女店員幫手搬上車。

警察趕車,司機要兜圈再返頭接事頭婆走。

(《蘋果日報》圖片)

舊年十一月,同新歡鄭應南拍拖出席黎諾懿婚禮,席上二人一杯酒兩份飲;有咗新目標,淡妝出動去中環買花嘅黎瑞恩,就算俾記者圍影,一樣氣定神閒。



鍾意就快D Share啦!
Related Posts Plugin for WordPress, Blogger...