| 吳浩康與鍾舒漫拍拖兩年人傳出婚訊。 | next 1/1 pre |
 | |
| 鍾舒漫大讚吳浩康拼搏。 | next 1/1 pre |
 | |
| 洪卓立（左起）、吳浩康及陳家樂戲內戲外均十分合拍。 | next 1/1 pre |
 | |
| 陳家樂（左起）、吳浩康拍攝電影《三條友飲醉走》。 | next 1/1 pre |
 | |
| 中環拍外景。 | next 1/1 pre |
 | |
| 大唔透玩紙紮車。 | next 1/1 pre |
吳浩康、洪卓立及陳家樂為英皇新片《三條友飲醉走》拍攝醉酒戲，三人表示片中有近八成場面都是醉酒戲，為求演得投入逼真，不時都會「飲少少」以求入戲，當中與鍾舒漫拍拖兩年、屢次傳出婚訊的吳浩康，接受訪問時「酒後吐真言」，承認已向鍾舒漫求婚成功，但「三分醒」地說：「唔想講太多，因為婚期最快都要明年或後年，如果一切確定後會同大家公布。」
鍾舒漫電話回應時則說：「其實大家都討論過結婚，自己都樂意同佢行下一步，知道佢好保護我，亦都好拼命去工作，相信佢係一個好好嘅（結婚）人選，多謝大家關心。」
洪卓立同湯怡談情嗌困難
而洪卓立在戲中亦奉旨與女友湯怡戲假情真，不過洪卓立反而覺得為難：「戲裏面係我暗戀佢，但因為我哋太熟，依家要扮唔熟，都幾困難！」身為電影初哥的他更笑言：「我哋扮醉戲太多，返轉頭演清醒反而好難！」
衝入紙紮舖鬧事
吳浩康、洪卓立及陳家樂在中環拍攝，場口講述眾人在後巷以多國語言叫囂，又衝入紙紮舖鬧事，百無禁忌將紙紮房車當真車揸兼飲紙紮啤酒等，三人分享「斷片」經歷，洪卓立言：「18歲時同班朋友飲到斷片，事後講返先知，當時旁邊坐咗班有背景人士，好彩人哋知我醉，唔係真係擔心佢哋尋仇！我仲一句肚痛就衝入廁所但係冇閂門，講返起都失禮！」
陳家樂酒醉纏住張家輝
陳家樂則表示曾為向偶像張家輝搭話而飲酒壯膽：「家輝哥係我偶像，佢曾經引薦我參演《保持通話》，有次喺party見到佢，身為小演員嘅我見到偶像，飲咗少少酒壯膽同佢搭話，但後來醉到纏住佢，話好鍾意佢，諗返都好尷尬！」
|
鍾意就快D Share啦！
|
|
|
