陳豪落旺角，見到一街都係人，自己都 O晒嘴！
同你吟一吟
旺角人氣測驗 陳豪拋離胡定欣
大台新劇《鬼同你 OT》上個禮拜六（一月十七日）晚响旺角西洋菜街拍外景。週末旺角，一街都係人，要順順利利拍一個鏡頭並唔容易，尤其係有男主角陳豪响現場，莫講話強國拖喼黨，班港仔港女 C9阿叔，個個都唔願走開。
當晚埋位嘅除咗陳豪，仲有胡定欣、蔣志光，工作人員事先同間錶行傾好，叫佢哋遲啲閂門，俾班演員做臨時休息室。
現場所見，攞過視帝嘅陳豪行到邊都有 C9紮馬舉機影佢相，亦有後生女把握到機會，同視帝近距離影合照，現場人氣反應，陳豪絕對係最受歡迎男演員。
至於攞過女配角嘅胡定欣，雖然有班老旺麻甩對佢打雀咁眼，但佢始終唔似得陳豪，會同班街坊笑吓打招呼，所以冇人敢埋佢身影合照或者攞簽名。
做演員，除咗做戲要做得好，更要親民，陳豪就算唔及發哥，都絕對合格。
|
鍾意就快D Share啦！
|
|
|