訪問當日，江希文一見媽咪及兒時奶媽帶着囡囡來見她，得家人支持，窩心的江希文即擁着愛女痛哭。
探熱針
錄音揭發 粗口辱罵再淋水兇江希文：我劈×死你！
43歲的江希文，一三年為 63歲資深大律師胡漢清未婚生女，去年底，關係破裂分手。被指霸佔胡家大宅及貪錢，忍無可忍的江希文，上週公開反擊，剖白兩年來表面風光背後，實質長期受盡粗口辱罵的精神折磨；至去年九月，她被推落雲石枱致腹部有半呎瘀傷，身心受創的她終有勇氣斬纜。
面對不斷的指控及男方亦展示傷勢，事件變成羅生門，受壓多時幾近崩潰的江希文，在一段粗口辱罵的錄音中，承認被人粗暴對待。當中有人對江希文聲言：「打×死你」及「劈×死你」，還在寒冷的半夜遭人淋凍水，受盡欺凌。
牽涉江欣燕
隨着江希文左腹半呎瘀傷照曝光，男方還拖展示據指是去年九月，遭江希文用刀柄「鋤」瘀的傷勢；但她即時反駁指控，聲稱若用刀柄可令對方傷到如此地步，自嘲必是武林高手，否則要緊握刀刃的她，手豈不同告受傷？
雙方各執一詞，江希文更剖白兩年來承受的精神折磨。在一段有兩分鐘的辱罵錄音中，一把男聲不斷掃射式粗口，江希文追問對方為何不讓家姐（江欣燕）同（班）機來探望，男方發爛說：「佢唔可以即刻話嚟就嚟！」「因為我同個女一班機嚟！」瘋狂辱罵聲中，其間摻雜拍打聲，「劈×死你……再玩嘢聽日 cut晒你啲嘢！」之後出現淋水聲和江希文的痛哭聲。
江希文承認錄音中的女方正是她本人，至於當日因何跟對方吵架而被辱罵，她說：「嗰個係我。呢件事係上年四月返港前，二月我家姐想嚟（英國）探我，遇到胡生阻止，佢話唔想我家姐同佢一班機嚟，因為佢同佢個女嚟。咁我好奇怪，為咗呢件事同佢嘈得好緊要，半夜三更佢一路用粗口鬧我，去到最後佢用水淋我。」
兩分鐘粗口辱罵錄音
江：我知係一個誤會，但係都可以寫句 sorry。
男：我仲 sorry，我×你老母，你唔同我 say sorry……你老味！我劈×死你，你黐×線……白×痴到莫名其妙。我同你老豆（江父） say sorry， say條×（其間出現拍打聲），我×咗你先，跟住同你家姐（江欣燕） say sorry。
江：咁你唔係咁嘅意思，係咩意思啫？
男：我咩意思，我講×咗。
江：你睇唔起我家姐，你喺我面前講：「唔想同你家姐一班機，唔想同佢一齊上機。」
男：我係話你唔可以即刻話嚟就嚟。（江：點解唔可以？）我同你講×咗唔可以。（江： Why? Why not?）我唔想同佢一班機嚟，因為我同個女一齊嚟！咩事呀！
江：點解同個女一齊嚟，就唔可以同我家姐一班機？
男：唔可以就唔可以，我唔×鍾意你家姐。你係咪同我玩嘢？我聽日乜都 cut×晒佢。（江：預咗你……我一早知你係咁嘅人。）我唔係咁嘅人，你係咁嘅人。（江：你係唔講道理嘅人。）……之前同你家姐講過一齊嚟，唔×制……我怕同你家姐飛，你死×咗佢，唔好屈×我。我打×死你又點呀……（連續拍打聲），屈你家姐（繼而出現淋水聲），點×樣呀！（聽到江希文喊聲）×你老味。
恫嚇 cut使費
至於錄音中出現的拍打聲，江希文稱有人情緒激動所致。
「當時胡生情緒好激動，佢揸住啲嘢係咁拍，又『哄』到我好埋咁鬧，當時我係好驚。」捱鬧仲要被淋到一身濕透，孤立無援的江希文即跑到屋外求助。
「當時英國好凍，半夜三點幾，我成身濕晒，我驚得滯，一路喊一路衝出門口拍隔籬屋門，因為我同個鄰居好熟，但人哋瞓晒覺冇人應門，冇辦法之下唯有返番入屋。」江希文說當晚她躲在 BB房，將門反鎖避難。
錄音中，有人提到「要 cut晒啲嘢」，江希文稱動不動要脅經濟封鎖，時有發生。「其實好多時我一唔順佢意，好似我想家姐嚟，或者想聖誕返香港陪爹哋慶祝生日，佢都會話如果我做咩破壞佢計劃，佢就會 cut我啲錢（家用）。」
由一二年被送到英國待產，到去年帶 B女返香港，事事受控的江希文一直活在恐懼中，長期痛苦，令她無法忍受下去。「其實每一次我都係唔敢同佢講嘢，因為每次佢都好大聲語氣答我，令我心跳手震，好驚。初時唔敢同屋企人講太多，因為唔想佢哋擔心。」
賣保單套現生活
對於被指控「打斧頭」和苛索家用，被塑造成貪錢的江希文相當激動，並爆出留英期間，她為生活要賣掉保單套現的拮据日子，還要隱瞞家人裝幸福。
「 BB出世要好多使費，所以喺英國臨生嗰陣，我要將香港嗰份醫療保險賣咗，攞番啲錢，我先可以過到骨。由頭到尾都唔夠錢使，到我返香港，我連份人壽保險都賣埋。如果我真係有六位數字家用，我就唔需要賣我份保險。」
有關她逼婚不遂引致分手的說法，江希文更感無稽。
「我冇逼佢結婚，但覺得作為一個女人，如果你同個男人生咗 BB，你當然好想有個名分，而且當初（一二年江希文懷孕後）佢同我訂婚，咁我一路有期望結婚好正常，但中間佢發生同媽咪嘅事，佢好煩惱，咁我哋話唔結婚住，生咗 BB先。」江希文說。
至於江希文胞姐江欣燕，一直未有回覆本刊，堅持不公開講家事。
江母心痛
江希文在英國入院產女到坐月，全靠七十多歲的江母飛到當地照顧，目睹女兒備受折磨，一心以家庭為重的江母，當時也未有多言。
不過知道女兒回港後繼續無好過，江母打破沉默。「係好心痛，完全想唔到係咁。（妳當時好擔心？）其實我無時無刻都好擔心，但佢（江希文）從來唔知，因為唔希望佢兩個去到呢一步（分開）。」
母親處處為自己設想，江希文十分感觸：「我想講，喺英國日子，我好掛住你哋，生咗 BB，好想帶佢見你哋，同你哋一齊。爹哋生日同埋佢嘅健康，都係令我好想返香港同家人一齊，但佢逼我留喺英國。」
至於被要求未坐完月的江希文去接機，在英國目睹整個過程提出反對的江母說：「我無法阻止，嗰邊有個例（英國法例，產婦產後六週內不可駕駛）係唔俾，係犯規。我本來想陪佢去，但又擔心胡生份人比較鍾意浪漫，去到見到有個人阻頭阻勢。之後我有同佢講，唔需要產婦去接機。佢開肚（開刀），傷口未埋，如果有咩事再裂開再入醫院，用嘅錢係咪仲多過你叫部車返屋企，我其實好唔贊成佢嚟接你。」
在旁的江希文解釋，如她不去接機，胡便不肯飛去英國。江母隨即覆述自己當時跟胡漢清說的話。「佢（江希文）成日嗌傷口痛，佢都嚟接你機，可見佢想騷佢嘅 love同埋幫你慳錢，你因為慳錢就唔叫車，如果你為人設想，當佢（江希文）親愛嘅人，你係咪為佢健康着想，唔應該叫佢嚟接機。」
江父忍無可忍
為怕年屆七十多歲的父母擔心，江希文一直未有將這年多以來的委屈向家人傾訴，但去年十二月十日，胡漢清叫助手 Stephen聯絡江父，要他老人家答應替已是成年人的江希文做決定。
當日晚上，忍無可忍的江父電郵了一封信給他，再三澄清從未同意擔當 Natalie監護人、由他負責孫女起居生活，以及願意讓 Natalie搬去跟他們一齊住。信中江父更要求胡漢清不要再以任何方式，接觸他及其家人，否則成為騷擾行為。
|
鍾意就快D Share啦！
|
|
|