網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年1月22日 星期四

[壹週刊 - 1298] 唔靠老婆 兼職搞傳銷 高皓正拉客賺回佣 高皓正,M1,




探熱針

唔靠老婆 兼職搞傳銷 高皓正拉客賺回佣

為了留更多時間陪一對仔女,高皓正近幾年已減少做幕前,但做幕後收入遠不及做舞台劇和節目主持,要另謀財路,高教主最近幫網上購物站做兼職,為求招攬更多人入會,他除了廣發短訊給身邊朋友,又在上樓婚紗店搞簡介會 sell人做會員,總之愈多人落疊,高皓正就分到愈多佣金。

近兩個月,高皓正向身邊朋友發放有關自己做兼職賺錢的短訊,並邀請有興趣的朋友出席簡介會。

高皓正介紹朋友到網站購物,從中賺佣金,愈多人購物就愈賺得多。

婚紗店做簡介會

近幾個月,圈中不少人都收到高皓正的短訊,內容大致是有關他最近忙什麼和邀請大家參加每個星期三,在上樓婚紗店舉行的公司簡介會。

「高皓正話自己而家做緊兼職,講到唔使點做就搵到錢,感覺好似叫你參加傳銷咁;但作為朋友,我哋都冇講啲乜,免得尷尬。」知情者說。

記者按高皓正所發放的短訊內容到婚紗店,店鋪面積好細,只能容納十多人,高皓正準時出現,長達兩個半小時的簡介會,他由分享個人經驗開始。

「上年開始照顧兩個小朋友,好困身,老婆係全職醫生,我要放低好多工作,電台同電視台都做唔到,每日生活就係湊兩個仔女;我一定要搵條出路,好多娛樂圈朋友做傳銷直銷,我從來冇參與,不過二○一四年我參與咗三個,其中一個維持到而家都做緊,就係呢個喇……」高皓正說。

高皓正介紹完網站有幾好後,再由另一人解釋如何經營及賺錢,之後再有幾個自稱每個月賺幾十萬的會員,向在場人士分享經驗。

「個網站乜都有得買似淘寶,不過係透過不斷介紹人入會同消費額去分佣,簡單嚟講係唔使『責』貨嘅傳銷,呢類傳銷手法喺美國有唔少健康產品都係咁做。」知情者說。

在簡介會上,高皓正與眾人分享冇收入的原因,再講自己入會後不影響正常生活下也可賺到錢。

簡介會中途,有位專業人士講解網上購物站的歷史、公司背景及賺錢的方法。

怕誤會靠老婆

久不久便有偉論要發表的高教主,自稱一度遇上經濟困難,其時曾接受「藝人之家」包括韓馬利及鄧萃雯的幫忙,弟兄姊妹給他一個白色信封,內裡有四位數字的現金。

「有段時間高皓正真係冇乜嘢做,直到佢做咗主持同舞台劇後,收入先比較好,但自從佢結咗婚,近年要全職湊住對仔女,都冇時間接 job,只可以間唔中接啲幕後嘢做,佢話唔想俾人誤會自己靠老婆,所以咪幫個網站做兼職,叫人入會賺佣囉!」知情者說。

二○一○年,高皓正與拍拖多年的醫生女友陸凱兒結婚,婚後至今育有一子一女,太太全職工作,高皓正放棄幕前工作,負責照顧兒女。

高皓正去年簽約香港電視,與張可頤合作拍攝《來生不做香港人》。

席上,有人分享入會後每個月可賺幾多錢,與大家分享自己的成績。



鍾意就快D Share啦!